گەرمانيا اۋعانستان مەن سيريا ازاماتتارىن ەلدەن شىعارۋ ءۇشىن تالىپتەرمەن كەلىسسوزدەر دايىنداپ جاتىر. بۇل تۋرالى Bild باسىلىمى جازدى، دەپ حابارلايدى “ادىرنا”.
گەرمانيا ىشكى ىستەر ءمينيسترى الەكساندر ءدوبريندتتىڭ ايتۋىنشا، گەرمانيا قىلمىس جاساعان اۋعان ازاماتتارىن تۇراقتى تۇردە ەلدەن شىعارۋ جۇيەسىن جولعا قويماق. سونىمەن قاتار سيريا ازاماتتارىن دەپورتاتسيالاۋ مەحانيزمىن دە ازىرلەپ جاتىر.
اقپاراتقا سايكەس، قازان ايىندا گەرمانيا ءىىم وكىلدەرى اۋعانستان استاناسى كابۋلعا بارىپ، تاليبتەرمەن دەپورتاتسيا ماسەلەسى بويىنشا كەلىسسوزدەر وتكىزەدى. بۇل تەك گەرمانيادا قىلمىس جاساعان اۋعاندارعا قاتىستى.
بۇعان دەيىن گەرمانيا، كاتار، اۋعان قىلمىسكەرلەرىن ەكى رەت ەلدەن شىعارعان. سوڭعى رەت 2025 جىلعى شىلدە ايىندا 81 ادام اۋعانستانعا جىبەرىلگەن. ايتا كەتۋ كەرەك، گەرمانيا تالىپتەر ۇكىمەتىمەن رەسمي ديپلوماتيالىق قاتىناس ورناتپاعان. سوندىقتان مۇمكىن بولاتىن كەلىسىمنىڭ ناقتى شارتتارى ازىرگە بەلگىسىز.
سونىمەن قاتار بەرلين سيريا ازاماتتارىن دا دەپورتاتسيالاي باستاماق. الدىمەن قىلمىس جاساعاندار، كەيىن ەلدە قالۋعا زاڭدى قۇقىعى جوق ادامدار دەپورتاتسيالانادى. بۇل رەتتە "جاقسى بەيىمدەلگەن" ميگرانتتار مەن الەۋمەتتىك كومەكپەن ءومىر سۇرەتىن، پانا الۋ قۇقىعىنان ايىرىلعاندار اراسىندا ايىرماشىلىق جاسالادى.
