2025 جىلدىڭ 5 قازانىندا الماتى يپپودرومى ۇلى دالانىڭ كۇش-قۋاتى، ەپتىلىگى مەن رۋحىن توعىستىرعان الاڭعا اينالادى. يپپودرومدا ۇلتتىق سپورت تۇرلەرى مەن داستۇرلەردى جاڭعىرتۋعا جانە ناسيحاتتاۋعا باعىتتالعان مادەني-سپورتتىق مەرەكە “ۇلى دالا ويىندارى” فەستيۆالى وتەدى.
باس ارەنادا قوناقتاردى ەلىمىزدىڭ ۇزدىك شاباندوزدارىنىڭ كوكپار، اۋدارىسپاق، تەڭگە ءىلۋ، جامبى اتۋ، قىز قۋ، بايگە (الامان، قۇنان) سايىستارى كۇتەدى.
“بايگە” سايىسىنداعى جۇلدە قورى 5 ميلليون تەڭگە. سايىستا جىلدامدىق، توزىمدىلىك پەن شەبەرلىك سىنالادى.
فەستيۆال اياسىندا قازاق كۇرەسى، اسىق اتۋ، قول كۇرەسى، سالماق كوتەرۋ، ساداق اتۋ سەكىلدى ۇلتتىق جانە كۇش سايىستارى وتكىزىلەدى.
فەستيۆال اياسىندا قازاقستاننىڭ تۇكپىر-تۇكپىرىنەن كەلگەن شەبەرلەردىڭ ەڭبەكتەرى ۇسىنىلاتىن ەتنو-جارمەڭكە وتەدى.
قوناقتار:
– تەرىدەن، اعاشتان، مەتالدان جانە كيىزدەن جاسالعان بۇيىمداردى،
– ءداستۇرلى قولونەر بويىنشا شەبەرلىك ساباقتاردى تاماشالايدى.
– مادەني ءداستۇر يەلەرىمەن تىكەلەي بايلانىسا الادى.
فكستيۆال ساعات 10:00- دا باستالادى، كىرۋ تەگىن.
