ۇكىمەت وتىرىسىندا جاڭا وقۋ-اعارتۋ ءمينيسترى بولىپ تاعايىندالعان جۇلدىز سۇلەيمەنوۆا سالتاناتتى تۇردە انت بەردى، دەپ حابارلايدى "ادىرنا" ۇلتتىق پورتالى.
پرەمەر ولجاس بەكتەنوۆتىڭ توراعالىعىمەن وتكەن وتىرىستا مەملەكەت باسشىسىنىڭ جارلىعىمەن تاعايىندالعان مينيستر انت قابىلدادى. ول سالتاناتتى ءراسىم كەزىندە قازاقستان حالقىنا جانە پرەزيدەنتكە ادال قىزمەت ەتۋگە، كونستيتۋتسيا مەن زاڭداردى قاتاڭ ساقتاۋعا، ەلدىڭ دامۋىنا ءوز ءبىلىمى مەن كۇش-جىگەرىن جۇمساۋعا ۋادە بەردى.
«قازاقستان رەسپۋبليكاسىنىڭ حالقى مەن پرەزيدەنتى الدىندا ءوز وتانىم – قازاقستان رەسپۋبليكاسىنىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا، ءوزىمنىڭ بارلىق ءىس-ارەكەتىمدە زاڭدىلىق پەن ادىلەتتىك، ازاماتتىق، ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتiلiگi مەن دۇنيەجۇزiلiك قوعامداستىقتاعى بەدەلiن نىعايتا بەرۋگە سالتاناتتى تۇردە انت بەرەمiن. انت ەتەمiن»، — دەدى جۇلدىز سۇلەيمەنوۆا.
ۇكىمەت باسشىسى جاڭا ءمينيستردى قۇتتىقتاپ، ونىڭ الدىندا ءبىلىم بەرۋ ساپاسىن ارتتىرۋ، ۇستاز مارتەبەسىن كوتەرۋ جانە وقۋشىلاردىڭ جان-جاقتى دامۋىنا جاعداي جاساۋ سىندى ماڭىزدى مىندەتتەر تۇرعانىن اتاپ ءوتتى.
ايتا كەتەيىك، وتىرىس كەزىندە ۇكىمەتتىك بايلانىس تەلەفونى شىرىلدادى. قوڭىراۋعا جاۋاپ بەرگەن پرەمەر 12 مينۋتقا وتىرىستان شىعىپ كەتكەنى حابارلاندى.
