پرەمەر-مينيستر ولجاس بەكتەنوۆ وزبەكستانعا جۇمىس ساپارىمەن بارىپ قايتى، دەپ حابارلايدى "ادىرنا" ءتىلشىسى.
14-15 ناۋرىز كۇندەرى وزبەكستاندا بولعان پرەمەر تاشكەنتتە ءوزىنىڭ وزبەكستاندىق ارىپتەسى ابدۋللا اريپوۆپەن جانە پرەزيدەنت شاۆكات ميرزيەەۆپەن كەزدەستى.
كەزدەسۋ بارىسىندا ەكى ەل اراسىنداعى بەرىك قارىم-قاتىناستىڭ جوعارى دەڭگەيدە ءوزارا سىيلاستىق پەن تۇسىنىستىك نەگىزىندە قۇرىلعان ستراتەگيالىق ىنتىماقتاستىققا قالاي ۇلگى بولاتىنى تالقىلاندى. ەلدەر اراسىنداعى ساۋدا وتكەن جىلى 4,5 ميلليارد دوللارعا جەتكەن. ۇكىمەتتەر بىرلەسكەن ينۆەستيتسيالىق جانە ونەركاسىپتىك جوبالار ارقىلى بۇل كورسەتكىشتى ارتتىرۋعا ۇمتىلۋدا.
وزبەكستان پرەمەر-ءمينيسترى ابدۋللا اريپوۆپەن رەسمي كەلىسسوزدەر بارىسىندا ەكونوميكالىق ىنتىماقتاستىقتى كەڭەيتۋ، ينۆەستيتسيا تارتۋ، سۋ-ەنەرگەتيكا، كولىك جانە مادەنيەت سالالارىنداعى بىرلەسكەن جوبالار، سونداي-اق تاۋارلاردىڭ كولەمى مەن اسسورتيمەنتىن ۇلعايتۋ ارقىلى اۋىل شارۋاشىلىعى سالاسىن نىعايتۋ مۇمكىندىكتەرى قاراستىرىلدى. .
ولجاس بەكتەنوۆ ەكى ەل باسشىلارىنىڭ قازاقستان مەن وزبەكستان اراسىنداعى ىنتىماقتاستىق دەڭگەيىن ارتتىرۋعا قاتىستى العا قويعان مىندەتتەرىنە توقتالدى.
ەسكە سالا كەتەيىك، 14 ناۋرىز كۇنى پرەمەر-مينيستر ولجاس بەكتەنوۆ جۇمىس ساپارىمەن تۇركىستان وبلىسىنا باردى.
ۇكىمەت باسشىسى الدىمەن قوجا احمەت ياسساۋي كەسەنەسىندە بولىپ، تاريحي نىساندا جۇرگىزىلىپ جاتقان عىلىمي زەرتتەۋ جۇمىستارىمەن تانىستى. ودان بولەك، بىرنەشە الەۋمەتتىك-ەكونوميكالىق ماڭىزى بار نىسانداردى ارالاپ، جاڭا جوبالاردىڭ قۇرىلىس بارىسىن كوردى.
