بەلگىلى اقىن مۇحامەدجان تازابەك توقاەۆ جايلى كەزەكتى جۇرەكجاردى جازبا جاريالاپ، ونى “سان قىرلى تۇلعاعا” تەڭەدى. بۇل تۋرالى “ادىرنا” ۇلتتىق پورتالى جازادى.
“الەمدىك دەڭگەيدەگى اۋقىمدى يدەيالاردان باستاپ، قاراپايىم اۋىلدىڭ سۇراعىنا دەيىن تولىق تۇسىنەتىن جان-جاقتى، سان قىرلى تۇلعا پرەزيدەنتىمىز بولىپ سايلاندى.
قاسيەتتى مەككەدە جالعىز تىلەك -“ەلىم امان بولسىن” دەپ تىلەگەن ەكەن. ەردىڭ دۇعاسى قابىل بولىپ، امان ەلدىڭ اۋىر جۇگىن ادىلدىكپەن، ادالدىقپەن الىپ جۇرۋىنە اللا تاعالا جاردەم ەتسىن!
سوعىس پەن زۇلمات، پاندەميا مەن كريزيستەردىڭ زامانىندا ءبىز دە ىنتىماقپەن ەرىپ، امانات ارقالاعان ەرىمىزدىڭ قولىن ۇزارتىپ، جولىن كەڭەيتەيىك.
كۇشتى ءالسىزدى باسىنىپ، كوپ ازدى تىقسىرىپ، قارا نيەتتىلەر قارقىنداپ، اق پەيىلدىلەر اح ۇرىپ تۇرعان زاماندا، قازاقتىڭ كوك تۋى قيامەتكە دەيىن توزباي جەلبىرەپ، كەڭشىلىك پەن مولشىلىقتا، قايعى-قاسىرەتسىز عۇمىر كەشە بەرەيىك!”،- دەپ جازدى مۇحامەدجان تازابەك ءوزىنىڭ فەيسبۋك پاراقشاسىندا.
“ادىرنا” ۇلتتىق پورتالى
