شۆەيتساريانىڭ Novartis كومپانياسى رەسەي مەن قازاقستاندا Zolgensma پرەپاراتىمەن جۇلىن بۇلشىقەتىنىڭ سەمۋىن ەمدەۋ كەزىندە ەكى بالانىڭ قايتىس بولعانىن مالىمدەدى، دەپ حابارلايدى “ادىرنا” ۇلتتىق پورتالى ريا نوۆوستي سايتىنا سىلتەپ.
ايتا كەتەيىك، Zolgensma الەمدەگى ەڭ قىمبات ءدارى بولىپ سانالادى. ءبىر دوزانىڭ باعاسى 2 ميلليون دوللاردان اسادى. پرەپاراتتى شۆەيتساريالىق "Novartis" كومپانياسى شىعارادى. بۇل ءدارى گيننەستىڭ رەكوردتار كىتابىنا الەمدەگى ەڭ قىمبات پرەپارات رەتىندە ەنگەن.
Novartis كومپانياسىنىڭ مالىمەتىنشە، رەسەي مەن قازاقستانداعى ەكى بالانىڭ ولىمىنە نە سەبەپ بولعانىن دا جازدى. Zolgensma-نى ەككەننەن كەيىن بەس-التى اپتا وتكە سوڭ، بالالاردا وتكىر باۋىر جەتىسپەۋشىلىگى باستالعان. سونىڭ سالدارىنان ەكەۋى دە كوز جۇمدى.
جۇلىن بۇلشىقەتىنىڭ سەمۋى تۇقىم قۋالايتىن اۋرۋلارعا جاتادى. وسى ۋاقىتقا دەيىن ناۋقاس بالالار ءومىر بويى قىمبات دارىلەردى ءىشىپ كەلگەن. الايدا ولاردىڭ 50 پروتسەنتى ەكى جاسقا دا جەتپەي، قايتىس بولادى.
ال "Zolgensma" پرەپاراتىنىڭ ءبىر دوزاسى اۋرۋدى توقتاتادى. ونىڭ قۇرامىندا SMN1 گەنىنىڭ كوشىرمەسى بار. ول ادام اعزاسىنداعى كەمىستىگى بار گەندى الماستىرادى.
”ادىرنا” ۇلتتىق پورتالى
