مەملەكەت باسشىسى قاسىم-جومارت توقاەۆ پرەزيدەنت اكىمشىلىگىندە اۋىس-ءتۇيىس جاسادى، - دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
«مەملەكەت باسشىسىنىڭ وكىمىمەن ارمان قىرىقباەۆ قازاقستان رەسپۋبليكاسى پرەزيدەنتى اكىمشىلىگىنىڭ بايلانىس ءبولىمىنىڭ مەڭگەرۋشىسى بولىپ تاعايىندالدى»، - دەلىنگەن حابارلامادا.
ارمان قىرىقباەۆ - 1976 جىلى 20 قازاندا تسەلينوگراد قالاسىندا دۇنيەگە كەلگەن. قازاق مەملەكەتتىك باسقارۋ اكادەمياسىنىڭ، سونداي-اق قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىنىڭ تۇلەگى. حالىقارالىق ەكونوميكاعا ماماندانعان. مەملەكەتتىك قىزمەتتە، مادەنيەت جانە جاستار ساياساتى سالاسىندا جالپى 25 جىلدان استام ەڭبەك ءوتىلى بار تاجىريبەلى مامان.
"ادىرنا" ۇجىمى اتىنان ارمان ورازبايۇلىن جاڭا قىزمەتىمەن شىن جۇرەكتەن قۇتتىقتايمىز! كاسىبي تۇرعىدا بيىككە ورىستەپ، ۇلكەن بەلەستەردى باعىندىرۋىنا تىلەكتەسپىز!
