پرەزيدەنت راقىمشىلىق تۋرالى زاڭعا قول قويدى

641
Adyrna.kz Telegram
https://www.adyrna.kz/storage/uploads/eB4KpUJRBAueK9LoCzgjGILSaNnAkQq3qg3hr260.jpg

ەلىمىزدە سوتتالعان 15 مىڭنان استام ادامعا امنيستيا جاريالاندى. بۇل تۋرالى بۇگىن، 23 ماۋسىمدا پرەزيدەنت قاسىم-جومارت توقاەۆ ايتتى، دەپ حابارلايدى «ادىرنا» ءتىلشىسى.

«بيىل كونستيتۋتسيانىڭ قابىلدانعانىنا 30 جىل تولادى. وسىعان وراي، قۇقىق قورعاۋ قۇرىلىمدارى، دەپۋتاتتار مەن قۇقىق قورعاۋشىلار سوتتالعان ازاماتتارعا راقىمشىلىق جاساۋ تۋرالى باستاما كوتەردى.

پارلامەنت ءتيىستى زاڭدى قارادى، مەن بۇل زاڭعا قول قويدىم. وسى ىزگى شارانىڭ ارقاسىندا جازاسىن وتەپ جاتقان 15 مىڭنان استام ادامعا امنيستيا جاريالاندى. سونىڭ ەكى مىڭنان استامى بوستاندىققا

شىعادى. قالعاندارىنىڭ جازا مەرزىمى قىسقارادى. ونشا اۋىر ەمەس جانە اۋىرلىعى ورتاشا قىلمىس جاساعاندار عانا راقىمشىلىققا ىلىنەدى. ەڭ الدىمەن، الەۋمەتتىك جاعىنان وسال توپقا جاتاتىن ادامدارعا، ياعني، بالاسى بار ايەلدەرگە، ەگدە ادامدارعا، كامەلەت جاسىنا تولماعاندارعا جانە وسى ساناتتاعى باسقا دا ازاماتتارعا كەشىرىم بەرىلەدى»،—دەدى مەملەكەت باسشىسى.

پرەزيدەنت بۇل قادامدى جازا باسقان جاندارعا جاسالعان ناقتى كومەك، ولاردىڭ قوعامعا قايتا ورالۋىنا جاعداي جاساۋ دەپ ءتۇسىنۋ قاجەتتىگىن ايتتى.

پىكىرلەر