Elımızde sottalǧan 15 myŋnan astam adamǧa amnistiia jariialandy. Būl turaly bügın, 23 mausymda prezident Qasym-Jomart Toqaev aitty, dep habarlaidy «Adyrna» tılşısı.
«Biyl Konstitusiianyŋ qabyldanǧanyna 30 jyl tolady. Osyǧan orai, qūqyq qorǧau qūrylymdary, deputattar men qūqyq qorǧauşylar sottalǧan azamattarǧa raqymşylyq jasau turaly bastama köterdı.
Parlament tiıstı zaŋdy qarady, men būl zaŋǧa qol qoidym. Osy ızgı şaranyŋ arqasynda jazasyn ötep jatqan 15 myŋnan astam adamǧa amnistiia jariialandy. Sonyŋ ekı myŋnan astamy bostandyqqa şyǧady. Qalǧandarynyŋ jaza merzımı qysqarady. Onşa auyr emes jäne auyrlyǧy ortaşa qylmys jasaǧandar ǧana raqymşylyqqa ılınedı. Eŋ aldymen, äleumettık jaǧynan osal topqa jatatyn adamdarǧa, iaǧni, balasy bar äielderge, egde adamdarǧa, kämelet jasyna tolmaǧandarǧa jäne osy sanattaǧy basqa da azamattarǧa keşırım berıledı»,—dedı memleket basşysy.
Prezident būl qadamdy jaza basqan jandarǧa jasalǧan naqty kömek, olardyŋ qoǧamǧa qaita oraluyna jaǧdai jasau dep tüsınu qajettıgın aitty.
