مەملەكەت باسشىسى قاسىم-جومارت توقاەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
پرەزيدەنت قاسىم-جومارت توقاەۆ ۆلاديمير ءپۋتيندى تۋعان كۇنىمەن قۇتتىقتاپ، ونىڭ قازاقستان مەن رەسەي اراسىنداعى ستراتەگيالىق سەرىكتەستىكتى، تاتۋ كورشىلىك پەن وداقتاستىق قاتىناستاردى نىعايتۋعا قوسقان ەلەۋلى ۇلەسىن اتاپ ءوتتى.
سۇحبات بارىسىندا تاراپتار ەكى ەل اراسىنداعى كوپجاقتى ىنتىماقتاستىقتىڭ وزەكتى باعىتتارىن تالقىلادى. مەملەكەت باسشىلارى بۇعان دەيىن جوعارى دەڭگەيدە قول جەتكىزىلگەن كەلىسىمدەردى جۇزەگە اسىرۋدىڭ ناقتى اسپەكتىلەرىنە ەرەكشە نازار اۋداردى.
كەزدەسۋ سوڭىندا قاسىم-جومارت توقاەۆ ۆلاديمير پۋتينگە بەرىك دەنساۋلىق، تابىس جانە رەسەي حالقىنىڭ يگىلىگى جولىنداعى ەڭبەگىنە ساتتىلىك تىلەدى.
ۆلاديمير پۋتين 1952 جىلدىڭ 7 قازانىندا دۇنيەگە كەلگەن. بيىل 73-كە تولدى.
ول 2000 جىلدان باستاپ، اراسىندا از عانا ۇزىلىسپەن رەسەي پرەزيدەنتى قىزمەتىنەن كەتكەن ەمەس. قازاقستان باسشىسى قاسىم-جومارت توقاەۆ 2019 جىلدان بەرى پرەزيدەنت.
