امەريكالىق Blue Origin كومپانياسى ۇيىمداستىرعان New Shepard كەمەسى جەرگە ءساتتى قوندى، دەپ حابارلايدى «ادىرنا» ءتىلشىسى.
New Shepard بورتىندا قازاقستاندىق كاسىپكەر دانا قاراعۇسوۆا، بيزنەسمەن دجەفف ەلگين, ينجەنەر كلينت كەللي III, بىرنەشە ستارتاپتاردىڭ نەگىزىن قالاۋشى اارون نيۋمان، ۋكراين كاسىپكەرى ۆيتالي وستروۆسكي جانە اتى-ءجونىن جاريالاماۋدى قالاعان تاعى ءبىر جولاۋشى بولدى.
عارىش كەمەسى اقش-تىڭ تەحاس شتاتىنداعى ۆان-حورن قالاسىنا جاقىن ورنالاسقان Corn Ranchايلاعىنان استانا ۋاقىتىمەن 18:41-دە ۇشىرىلدى. ۇشۋ شامامەن 11 مينۋتقا سوزىلدى. ەكيپاج كاپسۋلاسى عارىش شەكاراسى سانالاتىن كارمان سىزىعىنان ءوتىپ، 107 شاقىرىم بيىكتىككە جەتتى.
ايتا كەتەيىك، دانا قاراعۇسوۆا قازاقستاننان عارىشقا تۋريست رەتىندە ۇشاتىن العاشقى ايەل اتاندى.
New Shepard باعدارلاماسى اياسىندا عارىشقا وسى كۇنگە دەيىن 75 ادام ۇشىرىلدى.
