اقش-تىڭ عارىش كەمەسى ايعا ءساتتى قوندى. ميسسيانىڭ ماقساتى - ايدىڭ وڭتۇستىك ءپوليۋسىن زەرتتەۋ، دەپ حابارلايدى «ادىرنا» ءتىلشىسى NASA عارىش ورتالىعىنىڭ ءباسپاسوز قىزمەتىنە سىلتەمە جاساپ.
بۇل – اقش تاريحىنداعى جەر سەرىگىنە العاشقى كوممەرتسيالىق قونۋ. ويتكەنى قۇرىلعىنى جەكە عارىش ورتالىعى ۇشىردى.
NASA Nova-C ميسسياسىنىڭ كومانداسىن X الەۋمەتتىك جەلىسىندە ءمودۋلدىڭ قونۋىمەن قۇتتىقتادى.
«ءسىزدىڭ تاپسىرىسىڭىز… ايعا جەتكىزىلدى!»—دەلىنگەن حابارلامادا.
عارىش كەمەسىنىڭ اۆتونومدى ناۆيگاتسيالىق جۇيەسىندە اقاۋ بولعاندىقتان، قونۋ قيىن بولعان.
«ءبىز ايدىڭ بەتىندەمىز دەپ سيگنال بەرەمىز، سوندىقتان ءبىز كوماندانى قۇتتىقتايمىز»،—دەدى Intuitive Machines ميسسياسىنىڭ ديرەكتورى تيم كرەين.
ايتا كەتەيىك، ۇشقىشسىز قۇرىلعى سالماعى 660 كەلى، قۇنى 120 ميلليون دوللارعا تەڭ 6 عىلىمي-زەرتتەۋ قۇرالىن اي بەتىنە جەتكىزدى.
