قازاقستان رەسپۋبليكاسى پرەمەر-ءمينيسترىنىڭ تاپسىرماسىنا سايكەس بيىل ۇلىتاۋ وبلىسىنداعى جەزقازعان، قاراجال، جاڭاارقا جانە قىزىلجار ستانتسيالارىنداعى 4 تەمىرجول ۆوكزالىن قايتا جاڭعىرتۋ جوسپارلانعان.
بۇگىنگى تاڭدا جەزقازعان قالاسىنداعى ۆوكزال بويىنشا «قتج» ۇك» اق مەن مەردىگەر ۇيىم اراسىندا تەمىرجول ۆوكزالىن رەكونسترۋكتسيالاۋ جونىندە كەلىسىمشارت جاسالدى. مەردىگەر تاراپىنان تەحنيكا مەن مامانداردى جۇمىلدىرۋ جۇمىستارى باستالدى.
الداعى ۋاقىتتا قۇرىلىس-مونتاج جۇمىستارى باستالادى. «قتج» ۇك» اق-نىڭ مالىمەتىنشە، جوبادا جولاۋشىلارعا قاجەتتى بولمەلەرى بار جاڭا ۆوكزال عيماراتىن سالۋ كوزدەلگەن.
سونىمەن قاتار، جولاۋشىلاردىڭ ءجۇرىپ-تۇرۋىنا قولايلى جاعداي جاساۋ ماقساتىندا گالەرەيا سالۋ جانە پەرروندى كەڭەيتۋ قاراستىرىلعان.
قاراجال قالاسى، جاڭاارقا اۋدانى جانە قىزىجار ستانتسياسىنداعى ۆوكزالداردى قايتا جاڭعىرتۋ جۇمىستارى جالعاسىپ جاتىر.
