بۇگىن، 12 قازان سەمەي قالاسىندا قالا اكىمىن سايلاۋ بويىنشا داۋىس بەرۋ ءوتىپ جاتىر، دەپ حابارلايدى “ادىرنا”.
قالا اكىمدىگىنىڭ ءباسپاسوز قىزمەتىنىڭ مالىمەتىنشە، سەمەيدە بارلىعى 128 سايلاۋ ۋچاسكەسى اشىلعان. ونىڭ ىشىندە 110 – اشىق، ال 18 – جابىق ۋچاسكە. جابىق ۋچاسكەلەردە تۇرعىلىقتى جەرىنەن تىس جەردە جۇرگەن ازاماتتار داۋىس بەرەدى.
"سايلاۋ كوميسسيالارىنىڭ جالپى قۇرامى – 929 ادام. قالا بويىنشا 220 761 سايلاۋشى تىركەلگەن", - دەلىنگەن حابارلامادا.
قالا اكىمى بولۋعا ۇمىتكەرلەر:
- ادىلەت قوجانباەۆ – كوكپەكتى اۋدانىنىڭ قازىرگى اكىمى;
- ايبولات بەكجاساروۆ – قالالىق ءماسليحاتتىڭ بۇرىنعى توراعاسى;
- قانىش تولەۋوۆ – گەودەزيا، كارتوگرافيا جانە قۇرىلىس جوعارى كوللەدجىنىڭ ديرەكتورى.
بۇل – ەلىمىز تاريحىندا تۇرعىندار ءوز وبلىس ورتالىعىنىڭ اكىمىن تىكەلەي سايلاۋ ارقىلى تاڭداي الاتىن العاشقى جاعداي.
ۇقساس جاڭالىقتار
