“اقتوبە” فۋتبول كلۋبىنىڭ جاس ويىنشىسى قازا تاپتى

11 قازان كۇنى «اقتوبە» جاستار كومانداسىنىڭ قورعاۋشىسى مۇسا ارون قايعىلى جاعدايدا قازا تاپتى، دەپ حابارلايدى "ادىرنا" ۇلتتىق پورتالى.

فۋتبولشىنىڭ وتباسىنا كوڭىل ايتۋ حابارلاماسىن كلۋبتىڭ ءباسپاسوز قىزمەتى Instagram پاراقشاسىندا جاريالادى. قايعىلى وقيعانىڭ ءمان-جايى ناقتى كورسەتىلمەگەن.

«ونىمەن بىرگە ونىڭ اجەسى مەن نەمەرە ءىنىسى دە كوز جۇمدى»، – دەلىنگەن حابارلامادا.

مۇسا «اقتوبە» U-16 كومانداسى ساپىندا 2 تامىز كۇنى العاش رەت الاڭعا شىققان جانە سول ويىندا پاس بەرىپ كوزگە تۇسكەن. ول سوڭعى ماتچىن 4 قازان كۇنى وتكىزگەن.