كوستەنكو اتىنداعى شاحتاداعى جارىلىستان قازا بولعاندار سانى 35-كە جەتتى، دەپ حابارلايدى، "ادىرنا" ءتىلشىسى.
بۇل اقپاراتتى قر توتەنشە جاعدايلار مينيسترلىگى حابارلادى. 29 قازان كۇنى ساعات 9:00-دە قر تجم رەسمي Telegram ارناسىندا 35 كەنشىنىڭ قايتىس بولعانى، ونىڭ 29-ىنىڭ دەنەسى جەر بەتىنە شىعارىلسا، ءالى 11 كەنشىدەن حابار جوق ەكەنىن جازدى.
"اۆاريالىق-قۇتقارۋ جۇمىستارىنا "كاسىبي اسكەريلەندىرىلگەن اۆاريالىق -قۇتقارۋ قىزمەتتەرىنىڭ رەسپۋبليكالىق ورتالىق شتابى" جشس قاراعاندى فيليالىنىڭ تاۋ-كەن قۇتقارۋشىلارىنىڭ 10 بولىمشەسى جۇمىلدىرىلدى. گاز جاعدايىن باقىلاۋ جالعاسۋدا",-دەلىنگەن قر تجم تاراتقان اقپاراتتا.
