🔹 بەسىنشى جىل بويى ۇلىتاۋ وبلىسىنىڭ شالعايداعى ەلدى مەكەندەرىندەگى اۋىل تۇرعىندارىنا زاماناۋي اۆتوبۋس - جىلجىمالى مەديتسينالىق كەشەن قىزمەت كورسەتۋدە. كەشەن 2020 جىلى الىنعان، سول جىلى جاڭاارقا اۋداندىق كوپسالالى ورتالىق اۋرۋحاناسىنا بەرىلگەن.
ءموبيلدى مەديتسينالىق ورتالىقتا 7 ءتۇرلى قىزمەت كورەتىلەدى، ولاردىڭ ىشىندە رەنتگەن، ۋلترادىبىستىق زەرتتەۋ، ەكگ ءتۇسىرۋ، گينەكولوگيالىق تەكسەرۋ، قانت دەڭگەيىنە دياگنوستيكا جاساۋ قىزمەتتەرى بار، سونىمەن قاتار گينەكولوگ، حيرۋرگ، وكۋليست، لور، باسقا دا ءارتۇرلى تالدامالار جاسايتىن لابوراننتار دا وسىندا تابىلادى.
وندا مۇمكىندىگى شەكتەۋلى جاندار مەن بالالاردىڭ كەلىپ قارالۋىنا جاعداي جاسالعان. جاقىن ارادا كەشەن قىزمەت كورسەتكەن ەراليەۆ اۋىلىنىڭ وزىندە 214 زەينەتكەر تۇرادى، 311 بالا مەكتەپتە وقيدى.
⚫️اعىمداعى جىلى ءساۋىردان باستاپ، ماۋسىم ماۋسىم ايىنىڭ اياعىنا دەيىن كەشەن جاڭاارقا اۋدانىنىڭ 12000-عا جۋىق تۇرعىنى بار بارلىق 20 ەلدى مەكەنى قامتىدى. ولاردىڭ ارقايسىسىندا 30-دان 2000-عا دەيىن ادام تۇرادى. ەلدى مەكەندەردىڭ ەڭ جاقىنى اۋدان ورتالىعىنان 5 كم، ال ەڭ الىسى 240 كم قاشىقتىقتا ورنالاسقان.
✅مەديتسينالىق قىزمەتكە قادامدىق قول جەتىمدىلىكتى قامتاماسىز ەتەتىن (تۇرعىلىقتى جەردەن الىسقا بارۋ قاجەتتىلىگى بولمايدى) اتالاعان كومەك ءتۇرى اۋىل تۇرعىندارىنا دەگەن ۇلكەن قولداۋ بولىپ تابىلادى.
👉سونىمەن قاتار 2025 جىلدىڭ شىلدە ايىنان باستاپ جىلجىمالى مەديتسينالىق كەشەن وبلىستىڭ ۇلىتاۋ اۋدانى تۇرعىندارى ءۇشىن دە وسىنداي قىزمەت كورسەتەدى (13 ەلدى مەكەندەر، حالىق سانى - 1243 ادام).
