جيىن بارىسىندا بانك ماماندارى ازاماتتارعا تۇرعىن ءۇيدى ءبولۋدىڭ جاڭا ءتارتىبىن تانىستىرىپ، بەرىلەتىن جەڭىلدىكتەر مەن باسىمدىقتارعا توقتالدى. اتاپ ايتقاندا، ەندى جالعا بەرىلەتىن جانە كرەديتتىك تۇرعىن ۇيلەردى ءبولۋ كەزىندە تۇرعىن ءۇي قورىنىڭ 70 پايىزى ءبىرىنشى كەزەكتەگى قۇقىققا يە الەۋمەتتىك وسال توپتارعا بەرىلەتىن بولادى. بۇل جۇيە ەڭ الدىمەن باسپاناعا مۇقتاج ازاماتتاردى قولداۋعا باعىتتالعان.
ءبىرىنشى كەزەكتەگى قۇقىق بەرىلەتىن ساناتتارعا ۇلى وتان سوعىسىنىڭ ارداگەرلەرى، جەتىم بالالار، كوپبالالى انالار مەن كوپبالالى وتباسىلار، ءى جانە ءىى توپتاعى مۇگەدەكتىگى بار ازاماتتار، مۇگەدەك بالالارى بار وتباسىلار، باسقا مەملەكەتتەر اۋماعىنداعى اسكەري قيمىلدارعا قاتىسۋشىلار، جەڭىلدىكتەرى بويىنشا ۇوس ارداگەرلەرىنە تەڭەستىرىلگەن ارداگەرلەر جانە جەسىرلەر جاتادى.
ءماجىلىس بارىسىندا قاتىسۋشىلارعا باعدارلامانىڭ نەگىزگى شارتتارى، ءوتىنىم بەرۋ ءتارتىبى مەن قۇجاتتاردى تاپسىرۋ جولدارى جان-جاقتى ءتۇسىندىرىلدى. سونىمەن قاتار تۇرعىنداردىڭ كوكەيىندە جۇرگەن سۇراقتارعا جاۋاپ بەرىلىپ، الداعى ۋاقىتتا تۇرعىن ۇيگە قول جەتكىزۋ مۇمكىندىكتەرى جايلى تولىق اقپارات ايتىلدى.
ۇقساس جاڭالىقتار
