الماتىدا اۆتوبۋس 75 جاستاعى قارت ايەلدى قاعىپ كەتتى. وقيعا مەدەۋ اۋدانىندا بولدى، دەپ حابارلايدى “ادىرنا”.
الەۋمەتتىك جەلىلەردە وقيعا ورنىنان تۇسىرىلگەن ۆيدەو تارادى.
الماتى پوليتسيا دەپارتامەنتىنىڭ مالىمەتىنشە، بۇگىن، 17 قازاندا اۆتوبۋس جۇرگىزۋشىسى ماقاتاەۆ كوشەسىمەن شىعىس باعىتتا كەلە جاتىپ، زەنكوۆ كوشەسىمەن قيىلىسىندا جاياۋ جۇرگىنشىنى قاعىپ كەتكەن.
جول اپاتىنان ايەل ءتۇرلى دەنە جاراقاتىن الىپ، قالاداعى اۋرۋحانالاردىڭ بىرىنە جەتكىزىلدى.
"اپاتتىڭ بارلىق ءمان-جايىن مەدەۋ اۋداندىق پوليتسيا باسقارماسىنىڭ قىزمەتكەرلەرى انىقتاپ جاتىر", دەپ حابارلابى الماتى پوليتسيا دەپارتامەنتىنىڭ ءباسپاسوز قىزمەتى
ۇقساس جاڭالىقتار
