تۇركىستان قالاسىنىڭ اكىمى ازىمبەك پازىلبەكۇلى شاھار اۋماعىنداعى بىرقاتار ماڭىزدى نىسانداردى ارالاپ، اتقارىلىپ جاتقان جۇمىستارمەن تانىستى.
ساپار بارىسىندا الدىمەن ا.تۇتقاباي كوشەسى مەن ساپارباي بولىس كوشەسىندە جۇرگىزىلىپ جاتقان ورتاشا جوندەۋ جۇمىستارىنىڭ بارىسىن كوردى. سونىمەن قاتار م.ابەنوۆا كوشەسىندەگى كۇردەلى جوندەۋ جۇمىستارى مەن تۇران مولتەك اۋدانىنداعى ايتۋار بي كوشەسىندەگى ورتاشا جوندەۋ جول قۇرىلىستارىن ارالادى.
بۇدان بولەك قالا باسشىسى ب.مايلين كوشەسىن كۇردەلى جوندەۋ جۇمىستارىن جانە و.جاندوسوۆ كوشەسىندە اياقتالعان رەكونسترۋكتسيالاۋ ناتيجەسىن تەكسەردى. ازىمبەك پازىلبەكۇلى جاۋاپتى مەردىگەرلەرگە ساپانى باستى نازاردا ۇستاپ، جولداردىڭ تۇرعىندارعا ىڭعايلى ءارى قاۋىپسىز بولۋىن قامتاماسىز ەتۋدى تاپسىردى.
سونداي-اق ،قالا باسشىسى يندۋستريالدى ايماقتاعى كەشەننىڭ قۇرىلىسى جۇرگىزىلىپ جاتقان اۋماقتا بولىپ، جوبانىڭ جۇزەگە اسۋ جوسپارىمەن تانىستى. بۇل كەشەننىڭ ىسكە قوسىلۋى قالا ەكونوميكاسىنا سەرپىن بەرىپ، جاڭا جۇمىس ورىندارىنىڭ اشىلۋىنا مۇمكىندىك تۋدىرادى دەپ كۇتىلۋدە.
قالا اكىمى ساپار سوڭىندا ءار نىسان بويىنشا ناقتى تاپسىرمالار بەرىپ، جۇمىستاردىڭ ساپاسى مەن مەرزىمىندە ورىندالۋىن قاتاڭ باقىلاۋدا ۇستاۋدى تاپسىردى.
ۇقساس جاڭالىقتار
