بۇگىن جاڭاارقا اۋدانىندا قازاقستان رەسپۋبليكاسى پرەزيدەنتىنىڭ كەڭەسشىسى مالىك وتارباەۆتىڭ قاتىسۋىمەن جيىن ءوتتى.
كەزدەسۋگە اۋدان اكىمى قانات قوجىقاەۆ توراعالىق ەتىپ، مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىن وڭىرلىك دەڭگەيدە جۇزەگە اسىرۋ ماسەلەلەرىن تالقىلادى.
جيىنعا ۇلىتاۋ وبلىسىنىڭ قوعامدىق دامۋ باسقارماسىنىڭ باسشىسى باقىتجان جايلاۋباەۆ، اۋدان اكىمدىگى وكىلدەرى، اۋىلدىق وكرۋگ اكىمدەرى، اقساقالدار مەن اۋدان تۇرعىندارى قاتىستى.
باسقوسۋدا اۋدان اكىمىنىڭ ورىنباسارى مۇرات يبراەۆ پەن ورىنباي اۋىلدىق وكرۋگىنىڭ اكىمى جۇبانىش جۇنىسبەكوۆ ءسوز الىپ، ءوز سالالارى بويىنشا اتقارىلىپ جاتقان جۇمىستار مەن جوسپارلار تۋرالى بايانداما جاسادى.
كەزدەسۋدە ءوڭىردىڭ الەۋمەتتىك-ەكونوميكالىق دامۋى، اۋىل شارۋاشىلىعىن جەتىلدىرۋ، تسيفرلىق سالانى دامىتۋ جانە ينۆەستيتسيا تارتۋ باعىتتارىنداعى جۇمىستار كەڭىنەن تالقىلاندى.
سونىمەن قاتار جيىن بارىسىندا قاتىسۋشىلار ءوز سۇراقتارىن قويىپ، وزەكتى ماسەلەلەر بويىنشا ناقتى جاۋاپتار الدى.
قورىتىندى سوزىندە پرەزيدەنت كەڭەسشىسى مالىك وتارباەۆ ءوڭىردىڭ دامۋ الەۋەتىنە توقتالىپ، بىرقاتار وزەكتى ماسەلەلەر جونىندە پىكىر ءبىلدىردى.
ال اۋدان اكىمى قانات قوجىقاەۆ مەملەكەت باسشىسى جۇكتەگەن مىندەتتەردى ابىرويمەن ورىنداۋ – بارشامىزدىڭ ورتاق بورىشى ەكەنىن اتاپ ءوتتى.
