استانا قالاسىنىڭ بايقوڭىر اۋدانىندا توتەنشە جاعداي تىركەلدى، دەپ حابارلايدى "ادىرنا" ۇلتتىق پورتالى.
تجد دەرەگىنە سايكەس، شولپان يمانباەۆا كوشەسىندەگى كوپقاباتتى ءۇيدىڭ 15-قاباتىنا شىققان بويجەتكەن ءوز-وزىنە قول سالماق بولعان.
قالالىق توتەنشە جاعدايلار دەپارتامەنتىنىڭ مالىمەتىنشە، تۇرعىندار جەدەل قىزمەتتىڭ 112 نومىرىنە قوڭىراۋ شالىپ، جاس قىزدىڭ جوعارى قاباتتان سەكىرگەلى جاتقانىن حابارلاعان. وقيعا ورنىنا دەرەۋ جەتكەن قۇتقارۋشىلار كورشى پاتەردىڭ تەرەزەسى ارقىلى قىزدى ۇستاپ قالىپ، امان الىپ قالعان.
«قۇتقارۋشىلاردىڭ ءبىرى كورشى پاتەردىڭ تەرەزەسىنە شىعىپ، قىزدى ۇستاپ ۇلگەردى. وسىلايشا 1999 جىلى تۋعان ازاماتشا قۇتقارىلدى»، – دەلىنگەن تجد حابارلاماسىندا.
قۇتقارۋشىلاردىڭ جەدەل جانە باتىل ارەكەتىنىڭ ارقاسىندا قىزدىڭ ءومىرى ساقتالىپ قالدى.
بۇل وقيعاعا كۋا بولعان تۇرعىندار تۇسىرگەن بەينەجازبا الەۋمەتتىك جەلىدە كەڭ تارالىپ، قىزدى امان الىپ شىققان ساتتە جەردە تۇرعان حالىقتىڭ دۋ قول شاپالاقتاپ العىس بىلدىرگەنى بايقالادى.
قازىر وقيعانىڭ ءمان-جايى انىقتالىپ جاتىر.
