ەكى قىزىن سيريالىق لاڭكەستەرگە كۇيەۋگە بەرمەك بولعان. استانالىق انا سوتتالدى

ەلوردا تۇرعىنى Telegram مەسسەندجەرى ارقىلى تەرروريزمدى قولداۋعا باعىتتالعان ماتەريالدار مەن يدەولوگيالاردى تاراتۋ ءۇشىن پايدالانعان، سونداي-اق سيرياداعى لاڭكەستىك توپقا قاتىسۋعا باعىتتالعان ارەكەتتەردى دايىنداعان. بۇل تۋرالى استانا قالاسى پروكۋراتۋراسى مالىمدەدى، دەپ حابارلايدى “ادىرنا” ۇلتتىق پورتالى.

مالىمەت بويىنشا، كىنالى ايەل ادامدى پوليتسيا قىزمەتكەرلەرى الماتى اۋەجايىنىڭ اۋماعىندا تۇركيا ارقىلى سيرياعا ۇشۋعا دايىندالۋ كەزىندە ۇستادى. “باستى سوت تالقىلاۋىندا سوتتالۋشى Telegram توپتىق چاتىندا ءدىني سەبەپتەرمەن قارۋلى قاقتىعىستار تۋرالى وڭ پىكىر ايتقانى، سونداي-اق كامەلەتكە تولماعان ەكى قىزىن لاڭكەستىك توپ مۇشەلەرىنە كۇيەۋگە بەرۋ ءۇشىن سيرياعا بارۋدى تالقىلاعانى انىقتالدى”، - دەلىنگەن قالالىق پروكۋراتۋرانىڭ حابارلاماسىندا. مەملەكەتتىك ايىپتاۋشى سوتقا بۇلتارتپاس دالەلدەمەلەردى ۇسىنا وتىرىپ، كىنالىنىڭ تەلەكوممۋنيكاتسيا جەلىلەرىن پايدالانا وتىرىپ، تەرروريزىمدى ناسيحاتتاۋ جانە تەرروريستتىكتوپتىڭ ارەكەتىنە قاتىسۋعا دايىندالۋ نيەتىن دالەلدەدى. سوت ۇكىمىمەن كىنالى ايەلگە 7 جىلعا باس بوستاندىعىنان ايىرۋ جازاسى تاعايىندالدى. استانا قالاسىنىڭ پروكۋراتۋراسى تەرروريستiك توپ قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ، مۇلكى تاركىلەنىپ، 17 جىلعا دەيىن باس بوستاندىعىنان ايىرۋ جازاسىنا اكەپ سوعاتىنىن، تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ، مۇلكى تاركىلەنىپ، 12 جىلعا دەيىن باس بوستاندىعىنان ايىرۋ جازاسىنا اكەپ سوعاتىنىن ەسكەرتەدى.