استانادا جىلۋ بەرىلگەن ءۇيدىڭ توبەسى وپىرىلىپ قۇلاعان. بۇل تۋرالى جۋرەاليست ايا ءومىرتاي Facebook پاراقجازدى، دەپ حابارلايدى “ادىرنا” ۇلتتىق پورتالى.
ءجۋرناليستىڭ ايتۋىنشا، وقيعا "انسار" تۇرعىن-ءۇي كەشەنىندە بولعان.
“توبەدەگى سۋ قۇبىرى جارىلعان بولۋى كەرەك، كىرەبەرىستى سۋ العان. ءتۇن ىشىندە ابىگەرگە تۇسكەن تۇرعىندار استانا اكىمى جەڭىس قاسىمبەكتىڭ اپات بولعان اۋماققا كەلۋىن تالاپ ەتىپ جاتىر. توتەنشە جاعداي كۇلتەگىن 11/1 مەكەن-جايىنداعى "انسار" تۇرعىن-ءۇي كەشەنىندە بولعان.
جەڭىس قاسىمبەك مىرزا، تۇرعىندار مەنەن كومەك سۇراپ جاتىر. مۇمكىن ساپاسىز سالىنعان سول جاعالاۋدىڭ سۋ جاڭا ءۇيىن ءوزىڭىز كورىپ قايتاسىز؟!”، دەپ جازدى جۋرناليست.
نۇرا اۋدانىنىڭ اكىمدىگى پاتەردەگى جايتقا قاتىستى پىكىر ءبىلدىردى.
“قىزمەت كورسەتۋشى ۇيىمنىڭ جانە 6-قاباتتاعى تۇرعىن ءۇيدىڭ وبس مالىمەتى بويىنشا، 120-پاتەردىڭ تەڭگەرىمدەۋشى كلاپانى ءۇزىلىپ، ونىڭ سالدارىنان سۋ اعۋى ورىن العان.
جىلۋ ەنەرگياسىن قوسالقى تۇتىنۋشىلاردىڭ ءۇي-جايلارىنا - پاتەرلەرگە جانە تۇرعىن ەمەس ءۇي-جايلارعا تىكەلەي جەتكىزۋدى قامتاماسىز ەتەتىن ۇيىشىلىك كوممۋنيكاتسيالار تۇتىنۋشىلار بولىمىندە (OSI, KSK, PC جانە ت.ب.) ورنالاسقان.
«استانا-تەپلوترانزيت» اق جىلۋ ەنەرگياسىن باسقارۋ بلوگىنىڭ كىرىس كلاپاندارىنىڭ ءبىرىنشى ءبولۋ فلانەتسىمەن نەمەسە كىرىستىڭ دانەكەرلەۋ تىگىسىمەن انىقتالاتىن ەنەرگيا بەرۋشى ۇيىم مەن ەنەرگيانى ىشكى تۇتىنۋ ءۇشىن پايدالاناتىن تۇتىنۋشى اراسىنداعى پايدالانۋ جاۋاپكەرشىلىگىنىڭ شەكاراسىنا دەيىن جەتكىزەدى”، دەلىنگەن.
