تانىمال تەلەجۋرناليست ازات رىستانبەك دۇنيەدەن ءوتتى. قايعىلى حاباردى «Qazaqstan» تەلەارناسى جەتكىزدى، دەپ حابارلايدى “ادىرنا”.
“ول ۇزاق جىلدار بويى «Qazaqstan» تەلەارناسىنىڭ اقپاراتتىق-ساراپتامالىق باعدارلامالار ديرەكتسياسىندا ەڭبەك ەتىپ، بىرنەشە سەريالى دەرەكتى فيلمدەر مەن ارنايى رەپورتاجدار ءتۇسىردى.
ازات رىستانبەكتىڭ سوڭعى جىلدارى «Qazaqstan» تەلەارناسىنان شىققان تۇركياداعى قانداستار كوشىنىڭ 70 جىلدىق تاريحىنا ارنالعان «التايدان انادولىعا» دەرەكتى ءفيلمى، «رۋسافا: ماڭىزدى ميسسيا» ارنايى جوباسى، گەرمانيانىڭ بۋحەنۆالد جانە تسايتحاينداعى اسكەري تۇتقىنداردى جاپپاي قاماۋ ورىندارىنان دايىنداعان ارنايى رەپورتاجى كورەرمەننىڭ كەڭ تالقىسىنا يە بولدى. بۇل جوبالاردىڭ بارلىعى كورپوراتسيانىڭ «التىن قورىندا» ساقتالادى.
«قازاقستان» تەلەراديوكورپوراتسياسى ۇجىمى اتىنان مارقۇمنىڭ وتباسى مەن تۋعان-تۋىستارىنا كوڭىل ايتامىز”، دەلىنگەن حابارلامادا.
