جاستار اراسىندا اتىس بولىپ، ءجاسوسپىرىم قازا تاپتى

تۇركىستان وبلىسىنىڭ تۇلكىباس اۋدانىندا جاستار اراسىندا اتىس بولدى، دەپ حابارلايدى "ادىرنا" ۇلتتىق پورتالى.

بولعان وقيعا سالدارىنان ءبىر بوزبالا كوز جۇمدى، تاعى ءۇش ادام جاراقات الدى.

پد دەرەگىنشە، اتىس 2 قاراشا كۇنى بولعان.

2008 جىلى تۋعان ءجاسوسپىرىم وقيعا ورنىندا قازا تاپقان. ال جارالانعان ءۇش تۇرعىن مەديتسينالىق مەكەمەگە جەتكىزىلىپ، ولارعا قاجەتتى كومەك كورسەتىلىپ جاتىر.

«وقيعا سالدارىنان ءبىر ادام كوز جۇمىپ، ءۇش ادام مەديتسينالىق مەكەمەگە جەتكىزىلدى. ولارعا قاجەتتى مەديتسينالىق كومەك كورسەتىلۋدە. جەدەل ىزدەستىرۋ ءىس-شارالارى ناتيجەسىندە كۇدىكتىلەر انىقتالدى. ولاردىڭ ءبىرى ۇستالىپ، قاماۋعا الىندى»، – دەلىنگەن تۇركىستان وبلىستىق پوليتسيا دەپارتامەنتىنىڭ حابارلاماسىندا.

قازىرگى ۋاقىتتا اتالعان فاكتى بويىنشا قىلمىستىق كودەكستىڭ “ادام ءولتىرۋ” بابى بويىنشا ءىس قوزعالدى. پوليتسيا ەكىنشى كۇدىكتىگە ىزدەۋ جاريالاعانىن مالىمدەدى.

قۇقىق قورعاۋ ورگاندارى وقيعانىڭ ءمان-جايىن انىقتاپ جاتىر.