"قىز زورلادى" دەگەن كۇدىككە ىلىنگەن تالدىقورعان پوليتسياسىنىڭ بۇرىنعى باسشىسى اۋرۋحاناعا جاتقىزىلدى، دەپ حابارلايدى "ادىرنا" ءتىلشىسى Orda.kz-كە سىلتەپ.
پوليتسەيدى ارنايى جاساق كۇزەتۋدە. تالدىقورعان پوليتسياسىنىڭ بۇرىنعى باسشىسى مارات كۇشتىباەۆ 5 ناۋرىزدا سوت زالىندا ەسىنەن تانىپ، اۋرۋحاناعا جەتكىزىلگەن بولاتىن.
ايىپتالۋشىنىڭ ايەلى وعان تۇراقسىز ستەنوكارديا، سوزىلمالى جۇرەك جەتكىلىكسىزدىگى دياگنوزى قويىلعانىن ايتتى.
"كۇيەۋىم ارتەريالىق گيپەرتەنزيا، ستەنوكارديا جانە سوزىلمالى برونحيتپەن باسقا اۋرۋحاناعا جىبەرىلدى. نەگە ەكەنىن بىلەسىز بە؟ كارديولوگيالىق ورتالىقتا سوتتالۋشىلارعا ارنالعان ارنايى بولىمشە جوق ەكەن", - دەدى ايىپتالۋشى كۇشتىباەۆتىڭ ايەلى ءلاززات تۇكەنوۆا.
ودان بولەك كۇشتىباەۆتىڭ جارى كۇيەۋىنىڭ دەنساۋلىعىنا الاڭدايتىنىن ايتتى.
"ەگەر ەرتەڭ اۋرۋى قايتالانىپ، ولىمگە اكەلسە بۇعان كىم جاۋاپ بەرەدى؟ ەڭ الدىمەن ادامدى ەمدەۋگە Uيپپوكرات انتىن قابىلداعان دارىگەرلەر مىندەتتى مە، الدە پروكۋراتۋرا مەن ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى مە؟",- دەپ سۇرايدى كۇشتىباەۆتىڭ ايەلى.
تالدىقورعاندا "الماتىنىڭ 27 جاستاعى تۇرعىنىن زورلادى" دەپ ايىپتالعان پوليتسيا باسقارماسىنىڭ بۇرىنعى باسشىسى مارات كۇشتىباەۆقا قاتىستى سوت پروتسەسى جالعاسىپ جاتىر
