«كاۋسار» وقۋشىلار سارايىنىڭ جاس زەرتتەۋشىلەر توبى جانە STEM لابوراتوريا پەداگوگى كولچەۆا ناتاليا ۆلاديميروۆنا گەرمانياعا PHYWE كومپانياسىنىڭ شاقىرۋىمەن ءبىلىم بەرۋ ساپارىنا قاتىسىپ كەلدى. PHYWE — الەمدەگى جەتەكشى وقۋ-زەرتحانالىق جابدىق وندىرۋشىلەرىنىڭ ءبىرى.
ء ۇش كۇن بويى وقۋشىلارىمىز ناعىز STEM-زەرتحانالارىندا جۇمىس ىستەپ، فيزيكا، حيميا جانە بيولوگيا پاندەرىن تەرەڭىرەك مەڭگەرۋگە مۇمكىندىك الدى. ولار تەك ءدارىس تىڭداپ قانا قويماي، تاجىريبە جاساپ، ناتيجەلەردى تالداپ، زاماناۋي قۇرىلعىلارمەن ءوز بەتىمەن جۇمىس ىستەدى. ەرەكشە ءمان پراكتيكالىق داعدىلار مەن عىلىمي ويلاۋ تاسىلىنە بەرىلدى.
بۇل ساپار — «كاۋسار» قابىرعاسىندا PHYWE جابدىقتارىمەن تىنىمسىز ەڭبەك ەتكەن، ىنتاسى مەن تاباندىلىعىن كورسەتكەن وقۋشىلاردىڭ ەڭبەگىنىڭ ناتيجەسى. بىلىمگە قۇشتارلىقتارى مەن ىزدەنىمپازدىقتارىنىڭ ارقاسىندا ولار حالىقارالىق باعدارلاماعا قاتىسۋ مۇمكىندىگىنە يە بولدى.
وقۋ باعدارلاماسىمەن قاتار قاتىسۋشىلار ءۇشىن مادەني باعدارلاما دا ۇيىمداستىرىلدى: ەكسكۋرسيالار، عىلىمي كورمەلەر، ۋنيۆەرسيتەتكە بارۋ.
بۇل ساپار ولار ءۇشىن تەك جاڭا بىلىمگە جول اشىپ قانا قويعان جوق، سونىمەن قاتار جەكە دامۋ مەن بولاشاققا باعىتتالعان ۇلكەن موتيۆاتسيا بولدى.
بۇل باستاما — ساپالى STEM-ءبىلىم بەرۋدىڭ جاستارعا قانداي حالىقارالىق مۇمكىندىكتەرگە جول اشاتىنىن ايقىن كورسەتەدى.
