فوتو: x.com/JenniferJJacobs
6 قاراشا كۇنى اقش پرەزيدەنتى دونالد ترامپتىڭ اق ۇيدە فارماتسەۆتيكالىق كومپانيالاردىڭ وكىلدەرىمەن وتكىزگەن ءباسپاسوز كونفەرەنتسياسىندا كۇتپەگەن وقيعا بولدى. ءىس-شارا كەزىندە قاتىسۋشىلاردىڭ ءبىرى تالىپ قالعان، دەپ حابارلايدى "ادىرنا".
ءباسپاسوز كونفەرەنتسياسىنىڭ بارىسى Forbes YouTube ارناسىندا تىكەلەي ەفيردە كورسەتىلگەن. ۆيدەودان كورىنىپ تۇرعانداي، ەر ادام ەسىنەن تانىپ قالعان ساتتە جانىنداعىلار دەرەۋ كومەككە كەلىپ، ونى جەرگە جاتقىزعان. وسى ۋاقىتتا دونالد ترامپ ۇستەلىنەن تۇرىپ، جاعدايدى سىرتتاي باقىلاعان.
بىرنەشە مينۋتتان كەيىن ترانسلياتسيا توقتاتىلدى.
CBS تەلەارناسىنىڭ ءتىلشىسى دجەننيفەر دجەيكوبستىڭ حابارلاۋىنشا، تالىپ قالعان ادام فارماتسەۆتيكالىق كومپانيالاردىڭ ءبىرىنىڭ وكىلى بولعان جانە وعان مەديتسينالىق كومەك كورسەتىلگەن.
اق ءۇيدىڭ رەسمي وكىلى كەرولاين ءليۆيتتتىڭ ايتۋىنشا، ەر ادامنىڭ قازىرگى جاعدايى جاقسى، ونىڭ ومىرىنە قاۋىپ ءتونىپ تۇرعان جوق.
بۇل وقيعا الەۋمەتتىك جەلىلەردە قىزۋ تالقىلانىپ، تىكەلەي ەفير كەزىندە بولعان توسىن جاعداي كوپشىلىكتىڭ نازارىن اۋداردى.
