«ادىرنا» ۇلتتىق پورتالىنىڭ YouTube ارناسىنىڭ كەزەكتى قوناعى – جامالي ديحانۇلى. ول قازاق رۋحىن دەنە، ونەر جانە تاربيە ارقىلى دالەلدەپ جۇرگەن تۇلعا رەتىندە تانىمال.
جاساندى باتىرلار داۋىرىندە جامالي ءوز ارەكەتىمەن سويلەيدى. ونىڭ كورسەتكىشتەرى تاڭ قالدىرادى: 6 مەتر بيىكتىكتەگى 300 پىشاقتىڭ ۇستىمەن ءجۇرۋ، گيننەس رەكوردى مەن 15 مىڭ ادامدى «قاراجورعاعا» بيلەتكەن بىرلىك — بارلىعى قازاق رۋحىن ساقتاپ قالۋعا باعىتتالعان.
جامالي ديحانۇلى جاستارعا ەرلىكتىڭ ۇندەۋمەن ەمەس، ارەكەت ارقىلى كورىنەتىنىن دالەلدەيدى. ول سۇحباتىندا قورقىنىشتى جەڭۋ جولدارى، رۋحاني كۇشتىڭ جانە تاربيەنىڭ ءمانى جايلى ايتتى. ونىڭ ويىنشا، شىن باتىردىڭ كورىنىسى ساحنادا ەمەس، كۇندەلىكتى ومىردە بايقالادى، ال جەڭىس — ەڭ الدىمەن ءوزىڭدى جەڭۋدەن باستالادى.
ۇقساس جاڭالىقتار
