استانادا تۇرعىن ءۇيدىڭ قاسبەتى قۇلاعان كەزدە ادامداردى قۇتقارۋعا تىرىسقان جەدەل جاردەم فەلدشەرىنە دەنساۋلىق ساقتاۋ مينيسترلىگى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ۆيتسە-مينيستر تيمۋر مۇراتوۆ قىزمەتكەردى ء«بىزدىڭ زاماننىڭ باتىرى» دەپ اتادى. ونىڭ ايتۋىنشا، نازىك جاس قىز ادامداردىڭ كومەككە مۇقتاج ەكەنىن كورىپ، ەش ويلانباستان قۇتقارۋعا ۇمتىلعان.
«بۇل – قازىرگى مەديتسينا قىزمەتكەرلەرىنە ءتان قاسيەت. ول قولدان كەلگەننىڭ ءبارىن جاسادى جانە ەڭ دۇرىس شەشىم قابىلدادى دەپ ەسەپتەيمىن»، – دەدى تيمۋر مۇراتوۆ.
قازىر فەلدشەر اۋىر باس سۇيەك جاراقاتىنان كەيىن ەم الىپ جاتىر. ونىڭ كوز جانە مۇرىن سۇيەكتەرى، سونداي-اق باسىنىڭ ارتقى بولىگى سىنعان. سونىمەن قاتار، ەكىنشى مەديتسينالىق قىزمەتكەر دە جاراقات الىپ، نەيروحيرۋرگيا بولىمىندە ەمدەلۋدە.
ۇقساس جاڭالىقتار
