استانا پروكۋراتۋراسى ەلجان ءبىرتانوۆتى 6 جىل مەرزىمدە باس بوستاندىعىنان ايىرۋ تۋرالى ۇكىم شىعارۋدى سۇرادى، دەپ جازادى "ادىرنا" ۇلتتىق پورتالى "ينتەرفاكس-قازاقستان" سايتىنا سىلتەمە جاساپ.
"ونىڭ قىلمىستىق-اتقارۋ جۇيەسىنىڭ ورتاشا قاۋىپسىز مەكەمەسىندە جازاسىن وتەۋىن جانە مەملەكەتتىك قىزمەتتە جۇمىس ىستەۋ قۇقىعىنان ءومىر بويى شەكتەلۋىن وتىنە وتىرىپ، 6 جىل باس بوستاندىعىنان ايىرۋ تۇرىندەگى جازا تاعايىنداۋدى سۇرايمىن", - دەدى پروكۋرور باۋىرجان شەكەنوۆ سەيسەنبىدە وتكەن قوس تاراپتىڭ جارىسسوزىندە.
پروكۋرور، مۇنىمەن قوسا، سوتتىڭ ە. ءبىرتانوۆتى "قۇرمەت" وردەنىنەن ايىرۋ تۋرالى پرەزيدەنتكە ۇسىنىس جاساۋىن سۇرادى.
بۇرىنعى قر دەنساۋلىق ساقتاۋ ءمينيسترى بىرتانوۆقا قىلمىستىق كودەكستىڭ 361-باپ 3-بولىگى (جاۋاپتى مەملەكەتتىك لاۋازىمدى اتقاراتىن ادامنىڭ لاۋازىمدىق وكىلەتتىكتەرىن تەرىس پايدالانۋى) بويىنشا ايىپ تاعىلعان.
ەستە سالا كەتەيىك، ەلجان ءبىرتانوۆ 2020 جىلدىڭ ماۋسىمىندا قىزمەتىنەن بوساتىلدى. سول جىلدىڭ قازانىندا قامالىپ، ودان كەيىن سوت سانكتسياسىمەن مىرزاقاماققا الىندى. كۇدىككە ىلىگۋ سەبەبى - بيۋدجەت قاراجاتىن اسا ءىرى مولشەردە ىسىراپ ەتۋى جانە سانيتارلىق اۆياتسيانىڭ اۋە كەمەسىن جەكە ماقساتتارى ءۇشىن پايدالانۋى.
ءبىرتانوۆتىڭ جاقتاستارى قارسى تاراپتىڭ ارەكەتىن ء"تسينيزمنىڭ شەگى" دەپ ايىپتادى. ولار ەكس-ءمينيستردىڭ ساناۆياتسيا قىزمەتىن تاراز ساپارىندا كوروناۆيرۋس جۇقتىرماۋ ءۇشىن پايدالانعان ايتتى.
"ادىرنا" ۇلتتىق پورتالى
