ءماجىلىس دەپۋتاتى ەرمۇرات ءباپي اسكەردە قازا تاپقان جانە جاراقات العان ساربازداردىڭ انالارى ۇيىمداستىرعان شەرۋگە قاتىستى پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
دەپۋتاتتىڭ ايتۋىنشا، 10 قاراشا كۇنى وتكەن انالاردىڭ نارازىلىعى كەزدەيسوق ەمەس، ونىڭ ارتىندا ەلدىڭ قورعانىس قابىلەتىنە اسەر ەتۋگە باعىتتالعان بەلگىسىز كۇشتەر تۇرۋى مۇمكىن.
«جازۋ جازىپ، پلاكات ۇستاپ شىققاننان كەيىن، ارينە، مۇنى ۇيىمداستىرعان كۇشتەر بار. مەنىڭشە، بۇل كۇشتەر قازاقستان اسكەرىنىڭ قورعانىس قابىلەتىن السىرەتۋدى كوزدەپ وتىر»، – دەدى ەرمۇرات ءباپي.
ءبىر توپ انا ۇكىمەت ءۇيىنىڭ الدىنا جينالعان ەدى. ولار قورعانىس مينيسترلىگىندە رەفورما جۇرگىزۋدى، جاپا شەككەن وتباسىلارعا ءادىل وتەماقى تولەۋدى جانە ءادىل تەرگەۋ جۇرگىزۋدى تالاپ ەتتى.
ال ۆيتسە-مينيستر دارحان احمەديەۆ انالارمەن نەگە ءمينيستردىڭ ءوزى جۇزدەسپەگەنىن ءتۇسىندىردى.
