بۇگىن، 14 قاراشادا اۋىل شارۋاشىلىعى قىزمەتكەرلەرىنىڭ ەكىنشى فورۋمىندا قازاقستان پرەزيدەنتى قاسىم-جومارت توقاەۆ كاسىپكەرلەرگە ۇندەۋ جاسادى، دەپ حابارلايدى "ادىرنا".
پرەزيدەنت تابىستى كاسىپكەرلەردى ءوز تۋعان اۋىلدارى مەن وڭىرلەرىنىڭ دامۋىنا ۇلەس قوسۋعا شاقىردى.
"اكىمدەر اكتسيونەرلىك قوعامدار مەن كووپەراتيۆتەردىڭ ونىمدەرىن ءىرى كومپانيالارمەن كەلىسىمشارت جاساي وتىرىپ، قولداۋ كورسەتۋى كەرەك. جالپى، اۋىلعا جەكە ينۆەستيتسيالاردى تارتۋ وتە ماڭىزدى. بيزنەس وكىلدەرى بۇل پروتسەسسقا بەلسەندى قاتىسۋى ءتيىس. تابىسقا جەتكەن كاسىپكەرلەردىڭ تۋعان اۋىلدارى مەن وڭىرلەردىڭ دامۋىنا قوسقان ۇلەسى ولاردىڭ گۇلدەنۋىنە سەپتىگىن تيگىزەدى", – دەدى قاسىم-جومارت توقاەۆ.پرەزيدەنتتىڭ ايتۋىنشا، بارلىق ەڭبەكقور جانە ماقساتتى ازاماتتار كۇندەلىكتى قاجىرلى ەڭبەگىمەن قادام-قاداممەن ۇلتتىق بايلىقتى ارتتىرىپ، ەلدىڭ بولاشاعىن قۇرىپ كەلەدى.
"مۇنداي پايدالى قىزمەتكە جاعداي جاساۋ، شىنايى پاتريوتتاردى قولداۋ قاجەت. ءبىز وسى باعىتتا جۇمىس ىستەيمىز", – دەپ اتاپ ءوتتى پرەزيدەنت.ۇقساس جاڭالىقتار
