استاناداعى ءالىمحان ەرمەكوۆ اتىنداعى № 38 مەكتەپ-ليتسەيىنىڭ 7-سىنىپ وقۋشىسى شاحنازار كامالوۆ ءبىر مينۋت ىشىندە «كۋبيك رۋبيكتى» تولىقتاي اۆتوماتتى تۇردە جيناي الاتىن روبوت جوباسىن كوپشىلىككە تانىستىردى، دەپ حابارلايدى "ادىرنا" ۇلتتىق پورتالى.
بۇل تۋرالى ەلوردا اكىمدىگىنىڭ رەسمي سايتى حابارلايدى.
روبوت LEGO Mindstorms EV3 كونسترۋكتورى نەگىزىندە جاسالعان. ارنايى سەنسورلار كۋبيكتىڭ ءار قىرىن سكانەرلەپ، تۇستەرىن انىقتايدى. الىنعان دەرەكتەردى تالداي وتىرىپ، روبوت ەڭ ءتيىمدى الگوريتمدى تاڭدايدى. سوعان ساي كۋبيكتى ءدال جانە جىلدام جينايدى. باعدارلامالاۋ EV3 Classroom پلاتفورماسىندا Python تىلىندە جۇزەگە اسىرىلعان.
اكىمدىك حابارلاماسىندا جوبا وقۋشىعا الگوريتمدىك ويلاۋ داعدىلارىن دامىتۋعا، ينجەنەرلىك ەسەپتەردى شەشۋگە جانە روبوت قوزعالىسىنىڭ ءار بۇرىشى مەن اينالۋىن دالدىكپەن باسقارۋعا مۇمكىندىك بەرگەنى ايتىلعان.
