تۇركىستان وبلىسى ماقتاارال اۋدانىندا پوليتسەيدەن قاشقان كۇدىكتى قازا تاپتى، دەپ حابارلايدى “ادىرنا” ۇلتتىق پورتالى.
وبلىستىق پوليتسيا دەپارتامەنتىنىڭ مالىمەتىنشە، جەرگىلىكتى تۇرعىن ءوزىنىڭ بۇرىنعى كۇيەۋى قارۋ الىپ، كىشكەنتاي بالالارىنىڭ كوزىنشە شۋ شىعارعانىن حابارلاعان. پوليتسيا وقيعا ورنىنا جەتكەندە ەر ادامدى ۇستاۋعا تىرىسقان.
دەگەنمەن، كۇدىكتى ۇيدەن قاشىپ، كورشىسىنىڭ اۋلاسىنداعى سارايعا تىعىلعان. قاۋىپسىزدىكتى قامتاماسىز ەتۋ ءۇشىن وقيعا ورنى قورشالعان.
پد دەرەگىنشە، ەر ادام پوليتسياعا وق اتقان. پوليتسەيلەر دە ەسكەرتۋ رەتىندە اۋاعا وق اتقانىمەن، كۇدىكتى بەرىلمەگەن. الايدا وقيعا بارىسىندا ەر ادامعا قىزمەتتىك قارۋدان اتىلعان وق ءتيىپ، ونىڭ سول جەردە قازا تاپقانى ايتىلادى.
تەكسەرۋ كەزىندە تىركەلمەگەن قارۋ، پاتروندار مەن گيلزالار تابىلدى. قازىرگى ۋاقىتتا بارلىق قاجەتتى تەرگەۋ جانە جەدەل-ىزدەستىرۋ شارالارى جۇرگىزىلۋدە. ءىس بويىنشا قىلمىستىق ءىس قوزعالعان.
