«AMANAT» پارتياسى فراكتسياسىنىڭ مۇشەسى اسحات ايماعامبەتوۆ پرەمەر-مينيستر ولجاس بەكتەنوۆكە ماتەريالدىق ەمەس مادەني مۇرالاردى قورعاۋ ماسەلەسى بويىنشا دەپۋتاتتىق ساۋال جولدادى، دەپ حابارلايدى «ادىرنا» ءتىلشىسى.
ول ۇلتتىق قۇندىلىقتاردى جەتكىزۋشىلەردىڭ قۇقىقتىق تۇرعىدا ەسكەرۋسىز قالعانىن مالىمدەدى.
«سالت-ءداستۇر، ءان مەن كۇي، ىرىم مەن تىيىم، تاريح پەن شەجىرە، ايتىس پەن جىر، اڭىز مەن ەرتەگى سياقتى ۇلتتىق جاۋھارلارىمىز –قولمەن ۇستاۋعا كەلمەيتىن، بىراق ۇلتتىق بىرەگەيلىك ءۇشىن ساناعا ءسىڭۋى ءتيىس قۇندىلىقتار.
اۋىلداعى جالعىز قاريا عانا بىلەتىن كۇي، شەبەرمەن بىرگە كەتەتىن ونەر داعدىلارى، ۇمىتىلا باستاعان ىرىم-تىيىم – مۇنىڭ ءبارى ۇلتتىق بىرەگەيلىكتىڭ، قاجەت دەسەڭىز ۇلتتىق قاۋىپسىزدىكتىڭ ماسەلەسى. سوندىقتان ءبىز «ماتەريالدىق ەمەس مادەني مۇرانى قورعاۋ تۋرالى» ارنايى زاڭ جوباسىن ازىرلەدىك. الايدا ۇكىمەت: «مۇنداي زاڭ قاجەت ەمەس، بارلىعى «مادەنيەت تۋرالى»زاڭمەن رەتتەلەدى»، – دەپ جوباعا تەرىس قورىتىندى بەردى.
ءبىز بۇل كوزقاراستى بيۋروكراتيالىق ءفورماليزمنىڭ كورىنىسى دەپ ەسەپتەيمىز. مادەنيەت تۋرالى زاڭ بۇل ماسەلەنى شەشەدى دەۋ – مەكتەپتەگى دەنە شىنىقتىرۋ ساباعىن وتكىزۋ - ۇلتتىق وليمپيادا قۇراماسىن وليمپياداعا دايىنداۋعا جەتكىلىكتى دەگەنمەن بىردەي ۇستانىم. ويتكەنى قولانىستاعى زاڭ، ءبىزدىڭ ۇسىنىپ وتىرعان نورمالاردى قامتىمايدى.
قانداي ماسەلەلەر شەشىلمەي وتىر؟ ۇلتتىق قۇندىلىقتى جەتكىزۋشىلەر قۇقىقتىق تۇرعىدا ەسكەرۋسىز قالعان. قوبىزشى، زەرگەر، جىراۋ، بۇركىتشى – قازىرگى زاڭنامادا ولاردىڭ مارتەبەسى جوق. «مادەني مۇرانىڭ تاسىمالداۋشىسى» دەگەن ۇعىم زاڭدا مۇلدەم جوق»،- دەدى ول.
ايماعامبەتوۆ مەملەكەتتىك قولداۋ دا، شاكىرت دايارلاۋعا ارنالعان جۇيە
دە قاراستىرىلماعانىن اتاپ ءوتتى.
«ولار – ومىردە بار، زاڭدا جوق. سوندىقتان تۇتاس مادەني قۇندىلىقتار جوعالۋدىڭ الدىندا تۇر. قارجىلاندىرۋ – ماقساتسىز جانە ەپيزودتىق. «مادەنيەت تۋرالى» زاڭدا وسى باعىت ءۇشىن ارنايى قارجىلاندىرۋ، گرانتتار نەمەسە سۋبسيديالار قاراستىرىلماعان. ۇلتتىق مۇرانى ساقتاپ، جەتكىزۋگە باعىتتالعان ناقتى تەتىك جوق. تيىسىنشە قازىرگى زاڭ – تەك نيەت تۋرالى دەكلاراتسيا»،-دەدى ول.
دەپۋتات باسقا ەلدەردىڭ تاجىريبەسىنە دە توقتالدى.
«وڭتۇستىك كورەيا، جاپونيا وسى تاسىمالداۋشى ازاماتتاردى تاڭىپ، ولارعا ء«تىرى ۇلتتىق قازىنا» مارتەبەسىن بەرىپ، مەملەكەتتىك ستيپەنديا تولەيدى. وزبەكستان مۇرا تاسىمالداۋشىلارىنا تۇراقتى جاردەماقى بەكىتتى. قىتاي، قىرعىزستان، ازەربايجان، رەسەي – ارنايى زاڭ قابىلدادى. ءتىپتى تمد-نىڭ 2013 جىلعى ۇلگىلىك زاڭى بار. قازاقستان
دا قول قويعان، بىراق ءالى قابىلداماي وتىرمىز. ۋاقىت ءبىزدى كۇتپەيدى. ەگەر عيمارات قيراسا، ءبىز ونى سىزباسى بويىنشا قايتا قالپىنا كەلتىرە الامىز.
ال ەگەر بۇگىن سوڭعى جىراۋ، نەمەسە كيىز باسۋدىڭ ەرەكشە تەحنيكاسىن بىلەتىن سوڭعى شەبەر دۇنيەدەن وتسە، بۇل ءبىلىم ماڭگىلىككە جوعالادى. ونى «رەستاۆراتسيا» جاساي المايمىز. مۇرا دا، ونى جەتكىزۋشى دە بۇگىن بار. بىراق ۋاقىت ء وتىپ بارادى. ەرتەڭ مادەني مۇرالارىمىزدى جەتكىزەتىن ادام قالماۋى مۇمكىن. سوندىقتان ۇلتتىڭ بىرەگەيلىگىن ساقتاپ قالاتىن ناقتى زاڭدى قابىلداۋدى ۇسىنىپ وتىرمىز. وسى جاڭا زاڭ جوباسىن قايتا قاراپ، قولداۋلارىڭىزدى كۇتەمىز»،- دەپ تولىقتىردى ايماعامبەتوۆ.
