ءماجىلىس دەپۋتاتى ەكاتەرينا سمولياكوۆا دەنساۋلىق ساقتاۋ مينيسترلىگىنىڭ وكىلى تيمۋر سۇلتانعازيەۆكە مەديتسينا قىزمەتكەرلەرىنىڭ كاسىبي بىلىكتىلىگىنە جانە ولاردىڭ قىزمەتىنە قوعامدا تۋىندايتىن سەنىمسىزدىك فاكتىلەرىنىڭ الدىن الۋ شارالارى جونىندە دەپۋتاتتىق ساۋال جولدادى، دەپ حابارلايدى «ادىرنا» ۇلتتىق پورتالى.
دەنساۋلىق ساقتاۋ مينيسترلىگىنىڭ وكىلى تيمۋر سۇلتانعازيەۆ قازىرگى ۋاقىتتا سالاداعى جاۋاپكەرشىلىكتى كۇشەيتۋ، مەديتسينا قىزمەتكەرلەرىنىڭ ەتيكا جانە دەونتولوگيا قاعيدالارىن ساقتاۋىن باقىلاۋ بويىنشا كەشەندى شارالار جۇزەگە اسىرىلىپ جاتقانىن اتاپ ءوتتى.
ونىڭ ايتۋىنشا، دەنساۋلىق ساقتاۋ كودەكسىندە بارلىق مەديتسينا قىزمەتكەرلەرى ءۇشىن ەتيكا مەن دەونتولوگيا پرينتسيپتەرىن ساقتاۋ مىندەتتەلگەن. بۇل پرينتسيپتەر اشىقتىقتى، وبەكتيۆتىلىكتى جانە پاتسيەنتكە قاجەتتى كومەكتى ۋاقىتىلى كورسەتۋدى كوزدەيدى.
سۇلتانعازيەۆتىڭ سوزىنشە، سوڭعى جىلدارى مەديتسينا سالاسىندا تۋىنداعان ءتۇرلى وقيعالاردىڭ الدىن الۋ ماقساتىندا مينيسترلىك ىشكى ىستەر مينيسترلىگىمەن بىرلەسكەن جوسپار ازىرلەگەن. ء«بىز قابىلداۋ بولمەلەرىندە قاۋىپسىزدىك شارالارىن كۇشەيتۋ ءۇشىن 150-گە جۋىق پوليتسيا بەكەتىن اشتىق. سونىمەن قاتار ستاتسيونارلاردا قاجەتتى بەينەباقىلاۋ كامەرالارى ورناتىلىپ جاتىر»، — دەدى ول.
بۇدان بولەك، ەل بويىنشا 600 مەديتسينالىق ۇيىمعا «دابىل تەتىكتەرى» ەنگىزىلگەنى بەلگىلى بولدى.
«الماتى مەن استانا قالالارىندا جەدەل مەديتسينالىق جاردەم قىزمەتكەرلەرىنە ۆيدەوجەتوندار ورناتتىق. ناتيجەسىندە ءتۇرلى ولقىلىقتار سانى 90%-عا تومەندەدى. ەندى بۇل تاجىريبەنى بۇكىل قازاقستان بويىنشا ەنگىزۋ ءۇشىن “قازاقتەلەكوممەن” بىرلەسىپ جۇمىس جاساپ جاتىرمىز»، — دەپ تولىقتىردى مينيسترلىك وكىلى.
