مۇحامەدجان تازابەكتىڭ ورال قالاسىندا ۋاعىزى وتپەيتىن بولدى، دەپ حابارلايدى "ادىرنا" ۇلتتىق پورتالى.
ۋاعىزدىڭ وتپەي قالعانى تۋرالى دەپۋتات ەرمۇرات ءباپي الەۋمەتتىك جەلىدەگى پاراقشاسىندا جازدى. ول ايت-مان نۇرجاننىڭ:
«سۆەت-دوس، بۇل كەزدەسۋ وتپەيتىن بولدى، توقتاتتىق! مىنە، قوعامدىق بويكوتتىڭ ناتيجەسى!» دەگەن پىكىرىن جاريالاعان.
بۇعان دەيىن جەلىدەگى جۇرت ورالدا ءوتۋى ءتيىس بولعان ۋاعىزدى سىناپ، جاپپاي بويكوت جاريالاعان.
ايتا كەتەيىك، مۇحامەدجان تازابەك - قازاقستاندىق قوعام قايراتكەرى، ايتىسكەر اقىن، ءدىنتانۋشى، پۋبليتسيست رەتىندە تانىلعان. 2014 جىلى قازاقستاننىڭ ەڭبەك سىڭىرگەن قايراتكەرى اتاعىن العان.
سونداي-اق اقىن اقۇشتاپ باقتىگەرەەۆانىڭ ۋاعىز تۋرالى پىكىرىن جاريالاعان ەدىك.
اقىن ۋاعىزدىڭ ءوتۋى مەن ونى وتكىزۋگە تاڭدالعان ورىندى ابدەن سىنعا العان.
"قايرات ساتىبالدى، بەكبولات تىلەۋحان، ديكي ارماننىڭ قۇشاعىنان شىققان، ايتىستاعى "قۇبىلىس" مۇحامبەتجان تازابەكوۆ ەل-جۇرتپەن كەزدەسۋ ءۇشىن ورالداعى كيەلى ورتالىقتى تاڭداپتى.
سان ءتۇرلى ءدىني اعىمدار ەنىپ كەتكەن باتىس وڭىرگە وسى "پالەنىڭ" كەلۋى ماعان جۇمباق. قانداي ساياسات؟ قانداي ۇگىت؟
ايتىس جايلى نە دەمەك؟ ايتىس-قازىر بيزنەس. بارىڭدار كەزدەسۋگە.
ءتاڭىرشى بولۋ، سالافيت بولۋ، اق جامىلۋ، قارا جامىلۋ، تالاق بولۋ، سۋايت بولۋ، زىميان بولۋ - ءوز ەركىڭىز عوي" - دەپ جازعان.
