اباي وبلىسىندا اۋىل شارۋاشىلىعى مەن اۋىلدىق ينفراقۇرىلىمدى دامىتۋعا قاتىستى وزەكتى ماسەلەلەر انىقتالىپ، قر پرەمەر-مينيسترىنە دەپۋتاتتىق ساۋال جولداندى، دەپ حابارلايدى "ادىرنا" ۇلتتىق پورتالى abaidan.kz-كە سىلتەپ.
سەناتتىڭ اگرارلىق كوميتەتى وڭىردە كوشپەلى وتىرىس وتكىزىپ، ءتورت نەگىزگى باعىت بويىنشا شەشىم كۇتەتىن ماسەلەلەردى ايقىنداعان.
اباي وبلىسىندا 1,3 ميلليوننان استام ۇساق مال بار، سونداي-اق 3,6 ملن گەكتار پايدالانىلماي جاتقان جايىلىمنىڭ بولۋى قوي شارۋاشىلىعىن وركەندەتۋگە مۇمكىندىك بەرەدى. كەلەسى جىلى ىسكە قوسىلاتىن «Eurasia Agro Semey» ەت وڭدەۋ كەشەنى سالانىڭ دامۋىنا سەرپىن بەرمەك. كەشەن تاۋلىگىنە 70 ءىرى قارا مەن 700 ۇساق مالدى وڭدەپ، 17 توننا ءونىم شىعارۋعا قاۋقارلى. دەپۋتاتتار قوي شارۋاشىلىعىن قولداۋ ءۇشىن «يگىلىك» باعدارلاماسى اياسىندا 50 ملرد تەڭگە ءبولۋدى ۇسىندى.
وڭىردە سۋ ۇنەمدەۋ تەحنولوگيالارىن قولداناتىن القاپتاردى 5 جىلدا 88 200 گەكتارعا دەيىن ۇلعايتۋ جوسپارلانعان. الايدا 2026–2028 جىلدارعا ارنالعان سۋبسيديا كولەمى قاجەتتى 21,2 ملرد تەڭگەنىڭ ورنىنا 5,7 ملرد تەڭگە عانا بەكىتىلگەن. دەپۋتاتتار سۋبسيديا كولەمىن كەزەڭ-كەزەڭىمەن ۇلعايتۋدى سۇرايدى.
وڭىردەگى 95 سۋ نىسانىنىڭ 28-ءى قاناعاتتانارلىقسىز، 1-ەۋى اپاتتىق جاعدايدا تۇر. ولاردى جوندەۋ ءۇشىن سمەتالىق قۇجاتتاردى جەدەل ازىرلەپ، قارجىلاندىرۋ قاجەت.
اباي وبلىسىندا سۋبسيديا بويىنشا 13 ملرد تەڭگە بەرەشەك جينالعان. ونىڭ ىشىندە:
-
ينۆەستيتسيالىق سۋبسيديا – 3,8 ملرد تگ;
-
سىياقى مولشەرلەمەسىن سۋبسيديالاۋ – 3,2 ملرد تگ;
-
اسىل تۇقىمدى مال شارۋاشىلىعىنا سۋبسيديا – 2,3 ملرد تگ;
-
وسىمدىك شارۋاشىلىعى – 3,7 ملرد تگ.
قاراجاتتىڭ ۋاقىتىلى بولىنبەۋى شارۋالارعا ايتارلىقتاي قيىندىق تۋعىزىپ وتىر.
وڭىردەگى 326 ەلدى مەكەننىڭ تەك 112-ءسى (34,7%) 4G ينتەرنەتپەن قامتىلعان. 127 اۋىلدا ينتەرنەت مۇلدە جوق. تسيفرلىق ينفراقۇرىلىمنىڭ السىزدىگى اۋىلداعى ءبىلىم ساپاسىنا، الەۋمەتتىك جاعدايعا جانە اگرارلىق تەحنولوگيالاردى ەنگىزۋگە كەدەرگى كەلتىرۋدە.
دەپۋتاتتار اۋىل ينفراقۇرىلىمىن دامىتۋ ەلدىڭ ازىق-تۇلىك قاۋىپسىزدىگى ءۇشىن ماڭىزدى ەكەنىن اتاپ ءوتىپ، پرەمەر-ءمينيستردى اتالعان ماسەلەلەردى باقىلاۋعا الىپ، ءتيىستى شارالاردى قابىلداۋعا شاقىردى.
