قازاقستاننىڭ جاساندى ينتەللەكت جانە تسيفرلىق دامۋ مينيسترلىگى تابىلعان فراگمەنتتەر "سويۋز مس-28" زىمىران-تاسىعىشىنىڭ ءبىرىنشى ساتىسىنا قاتىستى بولۋى مۇمكىن ەكەنىن مالىمدەدى. ونىڭ قۇلاۋى ارنايى بەلگىلەنگەن ايماققا جوسپارلانعان. ۆەدومستۆو زىمىراننىڭ ۇشىرىلۋى شتاتتىق رەجيمدە وتكەنىن جانە حالىققا قاۋىپ جوق ەكەنىن اتاپ ءوتتى.
"وقيعا ورنىندا "روسكوسموس" مەملەكەتتىك كورپوراتسياسىنىڭ وكىلدەرى، سونداي-اق قازاقستان مەن رەسەيدىڭ ەكولوگتارى جۇمىس ىستەۋدە. ولشەۋلەر مەن سىنامالار الۋ جۇزەگە اسىرىلىپ جاتىر. الدىن الا مالىمەت بويىنشا، ەكولوگياعا زيان كەلتىرىلگەنى انىقتالعان جوق. "سويۋز مس-28" ەكولوگيالىق تۇرعىدان قاۋىپسىز وتىن – كەروسين مەن سۇيىق وتتەگىن پايدالانادى. تابىلعان سىنىقتار رادياتسيالىق، حيميالىق نەمەسە بيولوگيالىق قاۋىپ توندىرمەيدى", – دەلىنگەن ۆەدومستۆو حابارلاماسىندا.
