قىتايدىڭ شىڭجاڭ-ۇيعىر اۆتونوميالىق اۋدانىندا ورنالاسقان تاكلا-ماكان ءشولىنىڭ اينالاسىن كوگالداندىرۋعا باعىتتالعان 46 جىلدىق باعدارلاما اياقتالدى، دەپ حابارلايدى «ادىرنا» ءتىلشىسى Reuters اگەنتتىگىنە سىلتەمە جاساپ.
«جاسىل بەلدەۋ» شامامەن 3 مىڭ شاقىرىمعا سوزىلادى. جوبا 1978 جىلى باستالدى. ول شولەيتتەنۋدى توقتاتۋ جانە كوكتەم مەزگىلىندە ايماقتاردى ءجيى بولاتىن قۇمدى داۋىلداردى ازايتۋدى ماقسات ەتەدى.
شەتەلدىك باق-تىڭ حابارلاۋىنشا، باعدارلاما اياسىندا 30 ملن گەكتاردان استام اۋماققا اعاش وتىرعىزىلعان.
ەگەر 1949 جىلى قىتاي اۋماعىنىڭ ورماندى بولىگى نەبارى 10 % بولسا، 2020-جىلداردىڭ باسىندا بۇل كورسەتكىش 25 %-عا جەتكەن.
«جاسىل ايماق» قۇرۋ ءۇشىن ونداعان جىل بويى ءتۇرلى اعاش جانە وسىمدىك تۇرلەرىمەن تاجىريبە جۇرگىزىلىپ، ەڭ توزىمدىلەرى انىقتالعان. الايدا جوبا سىنشىلارى وتىرعىزىلعان اعاشتاردىڭ ومىرشەڭدىگى ءبارىبىر تومەن ەكەنىن ايتادى.
قىتاي الداعى ۋاقىتتا دا اعاش وتىرعىزۋدى جالعاستىرىپ، اۋىل شارۋاشىلىعى جەرلەرىن قورعاۋعا ارنالعان جاڭا جۇيەلەردى قۇرۋدى جوسپارلاپ وتىر. بارلىق كۇش-جىگەرگە قاراماستان، قازىردىڭ وزىندە ەل اۋماعىنىڭ شامامەن 27 پايىزىن شولدەر الىپ جاتىر.
