استانا ماڭىنداعى قوياندى ەلدى مەكەنىندە جاياۋ جۇرگىنشىلەر وتكەلىنەن ءوتىپ بارا جاتقان اپالى-ءسىڭلى ەكى وقۋشىنى جەڭىل كولىك قاعىپ كەتتى، دەپ حابارلايدى "ادىرنا" ۇلتتىق پورتالى.
وقىس وقيعا 1 جەلتوقساندا بولعان.
الدىن الا مالىمەت بويىنشا، قىزداردىڭ كىشىسى 5-سىنىپتا، ۇلكەنى 10-سىنىپتا وقيدى. ولار مەكتەپكە بارا جاتقان ساتتە «Nissan Primera» ماركالى اۆتوكولىكتىڭ جۇرگىزۋشىسى جاياۋ جۇرگىنشىلەر جولاعىندا بالالاردى قاعىپ كەتكەن.
زارداپ شەككەندەر جەدەل جاردەممەن اۋرۋحاناعا جەتكىزىلدى. دارىگەرلەردىڭ مالىمەتىنشە، كىشى قىز بالا جابىق باس-مي جاراقاتىن، مي شايقالۋىن، كەۋدە جانە ءىش تۇسىنىڭ سوعىلعانىن، سونداي-اق جامباس بۋىنىنىڭ زاقىمدانۋىن العان. ال ۇلكەن اپكەسىنە باس-مي جاراقاتى، مي شايقالۋى جانە قولىنىڭ كوگەرۋى دياگنوزى قويىلعان.
قازىرگى ۋاقىتتا كىشى قىز استاناداعى اۋرۋحانادا ەم قابىلداپ جاتىر، جاعدايى – ورتاشا. ۇلكەن اپكەسى دارىگەرلەردىڭ باقىلاۋىمەن ۇيىنە شىعارىلعان.
وقيعا بويىنشا پوليتسيا تەرگەۋ جۇمىستارىن جۇرگىزىپ جاتىر. جول-كولىك وقيعاسىنىڭ بارلىق ءمان-جايى انىقتالىپ، ماتەريالدار ۋاكىلەتتى ورگاندارعا جولدانادى.
