اقش پرەزيدەنتىنىڭ ارنايى ەلشىسى ستيۆ ۋيتكوفف پەن دونالد ترامپتىڭ كۇيەۋ بالاسى دجارەد كۋشنەر ۋكرايناداعى سوعىستى اياقتاۋ جوسپارىن تالقىلاۋ ءۇشىن ماسكەۋگە بارىپ، رەسەي باسشىسى ۆلاديمير پۋتينمەن كەزدەستى، دەپ حابارلايدى «ادىرنا» ءتىلشىسى BBC-گە سىلتەمە جاساپ.
كەزدەسۋ شامامەن بەس ساعاتقا سوزىلىپ، استانا ۋاقىتى بويىنشا تۇنگى ساعات 02:30-دا اياقتالعان. كەزدەسۋ باستاپقى جوسپارلانعان ۋاقىتتان ءۇش ساعاتقا كەشىگىپ باستالعان.
رەسەيلىك باق مالىمەتىنشە، پۋتينمەن كەزدەسۋدەن كەيىن ۋيتكوفف اقش-تىڭ ماسكەۋدەگى ەلشىلىگىنە بارعان، وندا ءبىر ساعاتقا جەتپەي بولىپ، كەيىن ونىڭ ۇشاعى ۆنۋكوۆو اۋەجايىنان ۇشىپ كەتكەن.
رەسەي تاراپىنان كەلىسسوزدەرگە پرەزيدەنت كومەكشىسى يۋري ۋشاكوۆ پەن رف تىكەلەي ينۆەستيتسيالار قورىنىڭ باسشىسى كيريلل دميتريەۆ تە قاتىسقان.
«ازىرگە اۋماقتىق ماسەلە بويىنشا ورتاق ىمىراعا كەلمەدىك، الايدا اقش تاراپىنان بىرنەشە ۇسىنىس ايتىلدى. قاقتىعىستى رەتتەۋ تۇرعىسىنان ءبىز جاقىنداي دا، الىستاي دا قويعان جوقپىز. الدا ۇلكەن جۇمىس تۇر»،- دەدى ۋشاكوۆ.
ازىرگە اقش پرەزيدەنتى دونالد ترامپ تا، ۋكراينا پرەزيدەنتى ۆلاديمير زەلەنسكي دە كرەملدەگى كەزدەسۋگە بايلانىستى پىكىر بىلدىرگەن جوق.
ايتا كەتەيىك، ۋيتكوفف بيىل ماسكەۋگە وسىمەن التىنشى رەت بارىپ وتىر.
