الماتىنىڭ مەدەۋ اۋداندىق سوتى 2025 جىلعى 17 قاراشادا بۇرىنعى باس پروكۋرور قايرات قوجامجاروۆتىڭ اعاسى دۋلات قوجامجاروۆتىڭ مۇلكىنە بۇعات سالدى. بۇل قۇجات «سوت كابينەتى» سايتىندا جاريالانعان، دەپ حابارلايدى "ادىرنا".
اقپاراتقا سايكەس، بۇعاتتاۋ تۋرالى شەشىم قازاقستان حالىق بانكىنىڭ ءوتىنىشى بويىنشا شىعارىلعان.
سوت قاۋلىسىنا سايكەس، ەكى جەكە تۇلعا مەن ولارعا تيەسىلى ءتورت كومپانيانىڭ جالپى سوماسى 2,63 ميلليارد تەڭگە كولەمىندەگى بارلىق جىلجىمالى جانە جىلجىمايتىن مۇلكى بۇعاتتالدى.
"سوت تالاپكەردىڭ سۇراعان سوماسى — 2 550 635 252,63 تەڭگە جانە مەملەكەتتىك باج سوماسى 76 524 956 تەڭگە، ياعني بارلىعى 2 627 160 208,63 تەڭگە كولەمىندەگى بارلىق جىلجىمالى جانە جىلجىمايتىن مۇلىكتى بۇعاتتادى. بۇعاتتالعان مۇلىككە «گرۋپپا كومپاني „ويل سناب“ جشس، „HILL Resources“ جشس، „HILL Invest“ جشس، „AvtoTechMas Ltd“ جشس، دۋلات قوجامجاروۆ پەن گۇلناز قوجامجاروۆاعا تيەسىلى مۇلىكتەر كىرەدى", دەلىنگەن مەدەۋ اۋداندىق سوتىنىڭ قاۋلىسىندا.
قۇجاتتا سوت 2025 جىلعى 6 قاراشادا تالاپ بويىنشا شەشىم شىعارىلعانىن، بىراق سول كەزدە مۇلىك ءتىزىمى مەن سومادا قاتە كەتكەنىن اتاپ وتكەن. قر ازاماتتىق پروتسەسسۋالدىق كودەكسىنىڭ 235-بابىنا سايكەس، سوت بۇل قاتەنى تۇزەپ، بۇعاتتالعان مۇلىكتىڭ ءتىزىمىن جانە سوماسىن ناقتىلاپ شىققان.
ەسكە سالايىق، بيىل قىركۇيەكتە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ بۇرىنعى توراعاسى قايرات قوجامجاروۆقا قاتىستى سوتقا دەيىنگى تەرگەپ-تەكسەرۋ باستالعان. ول لاۋازىمدىق وكىلەتتىن اسىرا پايدالاندى جانە قىلمىستىق جولمەن الىنعان اقشانى زاڭداستىردى دەگەن كۇدىككە ءىلىندى.
ال 2025 جىلعى 30 قازاندا قر باس پروكۋرورىنىڭ ورىنباسارى عالىمجان قويگەلديەۆ قايرات قوجامجاروۆقا قاتىستى سوتقا دەيىنگى تەرگەپ-تەكسەرۋ جايىندا پىكىر ايتقان ەدى.
