اقتاۋ قالاسىنىڭ 9-شاعىن اۋدانىنداعى ايالدامالاردىڭ بىرىنەن ەر ادامنىڭ دەنەسى تابىلدى. وقيعا ورنىنا جەدەل جاردەم جانە پوليتسيا قىزمەتكەرلەرى شاقىرىلدى. بۇل تۋرالى Lada.kz جازدى، دەپ حابارلايدى “ادىرنا”.
قايعىلى وقيعا 2025 جىلدىڭ 7 جەلتوقسانىندا تاڭەرتەڭ بولعان. ەر ادامنىڭ دەنەسىن سول ماڭنان ءوتىپ بارا جاتقان ادام تاۋىپ العان.
دەنەنىڭ جانىنداعى ۇيالى تەلەفوننان العاشقى كونتاكتىگە قوڭىراۋ شالىنعان، ول مارقۇمنىڭ نەمەرەسىنىڭ نومىرى بولىپ شىققان. تۋىستارى وقيعا ورنىنا دەرەۋ جەتىپ، جەدەل جاردەم بريگاداسىن شاقىرعان.
جەدەل جاردەم قىزمەتكەرلەرى رەانيماتسيالىق شارالاردى جۇرگىزگەنىمەن، ەر ادامدى امان الىپ قالۋ مۇمكىن بولماعان. مەديتسينالىق قىزمەتكەرلەر بيولوگيالىق ءولىمدى تىركەدى.
مارقۇمنىڭ جاقىندارىنىڭ ايتۋىنشا، 64 جاستاعى ەر ادام تاڭەرتەڭ دارىحاناعا شىعىپ كەتكەن.
ءبىر اي بۇرىن 64 جاسقا تولعان مارقۇم بۇرىننان جوعارى قان قىسىمىمەن جانە جۇرەك اۋرۋلارىمەن ۇزاق ۋاقىت بويى اۋىرعان. تۋىستارى وسى دەنساۋلىق پروبلەمالارى ولىمنىڭ سەبەبى بولۋى مۇمكىن دەپ بولجايدى.
قازىرگى ۋاقىتتا پوليتسيا قىزمەتكەرلەرى وقيعانىڭ بارلىق ءمان-جايىن انىقتاپ جاتىر.
