پرەمەر-مينيستر ولجاس بەكتەنوۆ ۇكىمەت وتىرىسىندا پرەزيدەنت قاسىم-جومارت توقاەۆتىڭ ينفلياتسيانى تومەندەتۋ بويىنشا العا قويعان مىندەتى اياسىندا ءوڭىر باسشىلارىنىڭ نازارىن وسى باعىتتاعى جۇمىستى كۇشەيتۋ قاجەتتىگىنە اۋداردى، دەپ حابارلايدى «ادىرنا» ءتىلشىسى.
ايتۋىنشا، سوڭعى ەكى ايدا ينفلياتسيا دەڭگەيى 12,4%-عا دەيىن تومەندەگەن. الايدا، كەيبىر وڭىرلەردە، اتاپ ايتقاندا، ۇلىتاۋ، اقمولا جانە اتىراۋ وبلىستارىندا كەرىسىنشە، وسكەنى بايقالادى. باستى سەبەپ – ازىق-تۇلىك باعاسىنىڭ قىمباتتاۋى بولىپ وتىر.
ء«وڭىر اكىمدەرىندە ازىق-تۇلىك تاۋارلارىنىڭ باعاسىن تۇراقتاندىرۋ ءۇشىن جەتكىلىكتى قۇرالدار بار. تەك وسى باعىتتاعى جۇمىستى كۇشەيتۋ كەرەك»،- دەپ اتاپ ءوتتى پرەمەر-مينيستر.
سونداي-اق ولجاس بەكتەنوۆ سالالىق ۆەدومستۆولار مەن اكىمدىكتەرگە ەت ونىمدەرى باعاسىن تەجەۋ بويىنشا شارالار قابىلداۋدى تاپسىردى.
«ازىق-تۇلىك ينفلياتسياسىنىڭ وسۋىنە ەت جانە ەت ونىمدەرى باعاسىنىڭ ۇلەسىن ەسكەرە وتىرىپ، ساۋدا، اۋىل شارۋاشىلىعى مينيسترلىكتەرى مەن اكىمدىكتەر اتالعان ونىمدەردىڭ باعاسىن تەجەۋگە ەرەكشە نازار اۋدارۋى قاجەت. سونىمەن قاتار استانا قالاسىنداعىداي ارزانداتىلعان سيىر ەتىن ءىرى ساۋدا جەلىلەرى ارقىلى ساتۋ تاجىريبەسىن بۇكىل ەل اۋماعىندا كەڭىنەن قولدانعان ءجون»،- دەپ اتاپ ءوتتى ول.
