استانانىڭ الماتى اۋدانىندا بىرنەشە شىرشانىڭ شامى جاعىلدى، دەپ حابارلايدى "ادىرنا" ۇلتتىق پورتالى.
مەرەكەنىڭ باستى ورتالىعى «Sana» سپورت كەشەنىنىڭ جانىنداعى اقبۇلاق وزەنىنىڭ جاعالاۋىندا ءوتتى.
قالا تۇرعىندارى كونتسەرتتىك باعدارلامانى تاماشالاپ، بي بيلەپ، ءان تىڭدادى.
الاڭدا بيىكتىگى 25 مەتر بولاتىن جاڭا جىلدىق شىرشا، تاقىرىپتىق شاعىن ساۋلەتتىك نىساندار، ءتۇرلى مۇسىندەر، ساندىك ساندىقتار، جارىقتاندىرىلعان اعاشتار جانە فوتوزونالار بولدى.
بالالار ءۇشىن ارنايى انيماتورلار جۇمىس ىستەپ، كوڭىل كوتەردى.
ال بارلىق تۇرعىندار ءۇشىن مەرەكەلىك كونتسەرت كەشتىڭ شارىقتاۋ شەگىنە اينالىپ، جاڭا جىلدىق وتشاشۋمەن قورىتىندىلاندى.
قالا تۇرعىنى ايدانا ارمانقىزى بالالارىمەن بىرگە مەرەكەگە كەلىپ، اسەرىمەن ءبولىستى.
"بۇگىن شىرشا جاعىلۋى بالالارعا قاتتى ۇنادى. ەكى بالامدى الىپ كەلدىم. كۇننىڭ سۋىعىنا قاراماستان اياز اتا، اقشا قار جانە مۋلتفيلم كەيىپكەرلەرى بالالاردى قۋانتتى. ءوزىمىز دە بالاشا ءماز بولدىق", — دەدى ول.
مەرەكەنىڭ كىشكەنتاي قوناقتارى دا ەرەكشە كوڭىل كۇيدە بولدى. 8 جاستاعى اديا ايدارقىزى العان اسەرىن ايتىپ بەردى.
ء"بىز بيلەدىك، ساليۋت قاتتى ۇنادى. مەن جاڭا جىلدى جاقسى كورەمىن", — دەدى ول.
شاراعا قاتىسۋشىلار مۇز ايدىنىندا سىرعاناپ، ءتۇرلى ويىن-ساۋىقتارعا قاتىسىپ، كوتەرىڭكى كوڭىل كۇيمەن تارقاستى.
