وزبەكستان پرەزيدەنتى اكىمشىلىگىنىڭ باسشىسى سايدا ميرزيوەۆا ۋرگۋت اۋدانىنىڭ شالعاي اۋىلدارىنىڭ بىرىندە ورنالاسقان «ناۆوي» ەمحاناسىنا باردى، دەپ حابارلايدى «ادىرنا» ءتىلشىسى.
ول ساپار اياسىندا مەكەمەنىڭ مۇشكىل حالىنە الاڭداۋشىلىق ءبىلدىردى.
1972 جىلى سالىنعان «ناۆوي» ەمحاناسى 16 اۋىلداعى 13 مىڭنان استام تۇرعىنعا قىزمەت كورسەتەدى. الايدا عيمارات كۇردەلى جوندەۋدى قاجەت ەتەدى، ال قىزمەتكەرلەردىڭ جۇمىس جاعدايى مەن مۇمكىندىكتەرى شەكتەۋلى كۇيدە قالىپ وتىر.
«بۇل ءبىر عانا ناقتى ەمحانانىڭ ماسەلەسى ەمەس. بۇل — العاشقى مەديتسينالىق-سانيتارلىق كومەكتى ۇيىمداستىرۋداعى كەڭ اۋقىمدى ارتتا قالۋدىڭ كورىنىسى»،- دەدى سايدا ميرزيوەۆا.
ساپار بارىسىندا ماماندارمەن بىرگە وڭىردەگى دەنساۋلىق ساقتاۋ جۇيەسىن دامىتۋعا ارنالعان جاڭا جوسپار جان-جاقتى تالقىلاندى. اتالعان جوسپار تەك عيماراتتاردى جوندەۋدى عانا ەمەس، العاشقى مەديتسينالىق كومەكتى ۇيىمداستىرۋ تاسىلدەرىن وزگەرتۋدى دە كوزدەيدى.
ميرزيوەۆا دەنساۋلىق ساقتاۋ سالاسىنداعى ناقتى ماسەلەلەردى تەك ەسەپتەر مەن قۇجاتتار ارقىلى عانا باعالاۋ مۇمكىن ەمەس ەكەنىن، ول ءۇشىن مىندەتتى تۇردە جەرگىلىكتى جەرلەرگە بارىپ، جاعدايدى كوزبەن كورۋ قاجەت ەكەنىن ايتتى.
