وزبەكستان پرەزيدەنتى شاۆكات ميرزيوەۆتىڭ جارلىعىمەن سايدا ميرزيوەۆا تاشكەنت حالىقارالىق قارجى ورتالىعىنىڭ باسقارۋشىسى بولىپ تاعايىندالدى، دەپ حابارلايدى "ادىرنا" ءتىلشىسى.
ول بۇل قىزمەتتى وزبەكستان رەسپۋبليكاسى پرەزيدەنتى اكىمشىلىگىنىڭ باسشىسى لاۋازىمىمەن قوسا اتقارادى.
جاڭا قىزمەتىندە سايدا ميرزيوەۆا قارجى ورتالىعىنىڭ ىسكە قوسىلۋىن ۇيلەستىرەدى. سونىمەن قاتار ورتالىقتىڭ مۇددەسىن حالىقارالىق ۇيىمدار، ينۆەستورلار جانە سەرىكتەستەر الدىندا تانىستىرىپ، قارجى ورتالىعى كەڭەسىنىڭ باس حاتشىسى مىندەتىن اتقارادى.
ونىڭ وكىلەتتىگىنە كادرلىق شەشىمدەر قابىلداۋعا قاتىسۋ، كەلىسىمدەر جاساۋ، جۇمىس توپتارىن قۇرۋ جانە ساراپشىلاردى تارتۋ دا كىرەدى.
ۇقساس جاڭالىقتار
